Տաջիկստանի նախագահ Էմոմալի Ռահմոնը Ռուսաստանի առաջնորդ Վլադիմիր Պուտինի հետ հանդիպմանը մտադիր է քննարկել հանրապետության զինված ուժերի արդիականացման ծրագիրը։ Ինչպես ավելի վաղ հայտնել էր ՌԴ նախագահի մամուլի քարտուղար Դմիտրի Պեսկովը, գագաթնաժողովի շրջանակում, բացի ընդհանուր ծրագրից, նախատեսվում են մի շարք երկկողմ հանդիպումներ։ Սպասվում է, որ գագաթնաժողովին կմասնակցեն ՀԱՊԿ անդամ բոլոր վեց պետությունների ղեկավարները՝ Հայաստանի վարչապետ Նիկոլ Փաշինյանը, Բելառուսի նախագահ Ալեքսանդր Լուկաշենկոն, Ղազախստանի ղեկավար Կասիմ-Ժոմարտ Տոկաևը, Ղրղզստանի նախագահ Սադիր Ջապարովը։ Գագաթնաժողովին կմասնակցի նաև ՀԱՊԿ գլխավոր քարտուղար Ստանիսլավ Զասը։
Մինչ այդ՝ մայիսի 13-ին, Պուտինը հեռախոսազրույց է ունեցել Ռահմոնի հետ, որի ժամանակ քննարկվել են ՀԱՊԿ երկրների ղեկավարների հանդիպման նախապատրաստական աշխատանքները, մտքեր փոխանակել Աֆղանստանի շուրջ ստեղծված իրավիճակի մասին։
