Շվեդիայի պատվիրակությունը շուտով կմեկնի Անկարա՝ քննարկելու ՆԱՏՕ-ի դիմումը։ Այդ մասին գրել է թուրքական Hurriyet թերթը՝ վկայակոչելով Շվեդիայի արտգործնախարար Անն Լինդին։ Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Թուրքիան հետևում է ՆԱՏՕ-ին Ֆինլանդիայի և Շվեդիայի անդամակցության գործընթացին և չի կարող դրականորեն նայել դրան։ Թուրքիայի արտգործնախարար Մևլութ Չավուշօղլուն նշել էր, որ Ֆինլանդիան և Շվեդիան հայտարարել են, որ պատրաստ են աշխատել Թուրքիայի հետ՝ Անկարային հուզող հարցերի շուրջ։ Շվեդիայի իշխող Սոցիալ-դեմոկրատական կուսակցությունը մայիսի 15-ին հայտարարեց ՆԱՏՕ-ին անդամակցելու հայտ ներկայացնելու որոշման մասին՝ նշելով, որ Շվեդիան, հավանության արժանանալու դեպքում, դեմ կլինի իր տարածքում միջուկային զենքի և ռազմակայանների տեղակայմանը։
