Ռուսաստանն ամեն կերպ փորձում է իրեն շատ կարևոր զգալ։ Մի պահ վերադառնալով Դուշանբե, որտեղ հանդիպել էին ԱՊՀ երկրների արտգործնախարարները, Ռուսաստանի արտգործնախարար Սերգեյ Լավրովը հայտարարել էր, թե Բաքվի և Երևանի ներկայացուցիչները բարձր են գնահատել, մեջբերեմ․ «Ռուսաստանի կարևոր նախաձեռնողական դերը» ճգնաժամի կարգավորման գործում։ Ինչպիսի հեգնանք։ Կողմերը շնորհակալ են երրորդ կողմին՝ խնդիրը ստեղծելու, ապա այն հերոսաբար լուծելու համար։ Լավրովի նման հայտարարությունները խոսում են այն մասին, որ Մոկսվային հետզհետե դուրս են մղում աշխարհաքաղաքական տարբեր պլատֆորմներից ու Կրեմլը թախանձագին փնտրում է այնպիսիք, որտեղ վերջինս ինքնահաստատվելու հնարավորություն կստանա՝ որպես համաշխարհային խաղացող։ Այս է խնդիրը, որ լրջագույն խանդ է առաջանում Ռուսաստանի մոտ՝ ԵՄ նկատմամբ, քանի որ Բրյուսելը՝ Շառ Միշելի դեմքով, անդադար փորձում է ներգրավվել հայ-ադրբեջանական գործընթացներում՝ դառնալով հավասարակշիռ միջնորդ, որ թե կողմնակալ դիտորդ։ ԵԱՀԿ-ն ևս ձեռք չի քաշում գորընթացից։ «Ազատություն ռադիոկայանից» հղված հարցին ի պատասխան ԵԱՀԿ-ից արձագանքել են, մեջբերեմ․ «Մենք Մինսկի խումբը դիտարկում ենք որպես պատշաճ մարմին և տեսնում ենք անհրաժեշտություն ակտիվացնելու ջանքերը՝ կայուն խաղաղության հաստատման, տարածաշրջանի բարգավաճ զարգացման համար»։ Թեպետ, Երևանը մոտ երկու ամիս առաջ դիմել էր ԵԱՀԿ-ին՝ Հայաստանի ու Ադրբեջանի միջև խաղաղության պայմանագրի կնքման նպատակով բանակցություններ կազմակերպելու համար, սակայն այս հարցում, կարծես Եվրոպական անվտանգության կառույցը հետաքրքրված չէ։ Թեմայի շուրջ «Առաջին լրատվական»-ը զրուցել է ռուս քաղաքագետ Վադիմ Դուբնովի հետ: