ՀՀ վարչապետի տիկին Աննա Հակոբյանն այսօր այցելել է Գեղարքունիքի մարզ և այդ մասին գրառում է արել ֆեյսբուքյան իր էջում ու լուսանկարներ հրապարակել։
«Այսօր Գեղարքունիքի մարզում եմ։ Մարզային այցերն ինձ համար առաջին հերթին մարդկանց հետ շփվելու հնարավորություն են։ Շատ հրաշալի մարդկանց հանդիպեցի, եւ վստահ եմ մինչեւ այցի ավարտը դեռ կհանդիպեմ։
Բայց ուզում եմ հատուկ պատմել Սամվել Խաչատրյանի մասին։ Նրան հանդիպեցի Գավառի մարզային գրադարանում։ Այս երիտասարդը նախ ճշտեց արդյոք այդ ե՞ս եմ Աննա Հակոբյանը, ապա ինքը ներկայացավ եւ հարցրեց.«Կարո՞ղ եմ Ձեզ համար իմ ստեղծագործությունը նվագել», ապա դաշնամուրի վրա կատարեց իր ստեղծագործությունը, որը սքանչելի էր, ապա ցույց տվեց իր նկարները եւ պատմեց թե ինչ դժվարություններ է ունենում գեղանկարչության մեջ թեմատիկա ընտրելիս, ապա ինձ ուղեկցեց Գավառի երկրագիտական թանգարանի ողջ շրջայցի ժամանակ եւ նմուշների մասին մեզ պատմող տիկնոջը պարբերաբար այսպես դիմեց. «Ներեցեք, որ ձեզ ընդհատում եմ…» եւ իր հարցը տվեց։
