Հավաքական անվտանգության պայմանագրի կազմակերպության (ՀԱՊԿ) հոբելյանական գագաթնաժողովը տեղի կունենա մայիսի 16-ին Մոսկվայում, մայիսի 12-ին լրագրողներին հայտնել Է Ռուսաստանի նախագահի մամուլի քարտուղար Դմիտրի Պեսկովը:
«Մայիսի 16-ին ՀԱՊԿ-ի 30-ամյակի առթիվ Մոսկվայում տեղի կունենա կազմակերպության անդամ պետությունների գագաթնաժողովը: Դա կլինի թե՛ ղեկավարների հանդիպում եւ թե՛ առանձին շփում աշխատանքային նախաճաշի ձեւաչավով»,- ասել Է նա:
Նա հավելել Է, որ այդ միջոցառման արդյունքների վերաբերյալ զանգվածային լրատվամիջոցների համար հայտարարություններ կանեն ՀԱՊԿ-ի գլխավոր քարտուղար Ստանիսլավ Զասը եւ Հայաստանի վարչապետ Նիկոլ Փաշինյանը:
Այդ երկիրն այժմ նախագահում Է կազմակերպությունում: Ինչպես ավելի վաղ հայտնել Է Պեսկովը, ՀԱՊԿ-ի ղեկավարների հանդիպմանը կարող Է արծարծվել այդ թվում Ուկրաինայի իրադրության թեման:
Գագաթնաժողովի հարթակներում սպասվում Է ՌԴ-ի եւ Բելառուսի նախագահներ Վլադիմիր Պուտինի եւ Ալեքսանդր Լուկաշենկոյի հանդիպումը: ՀԱՊԿ-ն անվտանգության հարցերով միջազգային կազմակերպություն Է, ներկայումս որի անդամներն են վեց պետություններ՝ Հայաստանը, Բելառուսը, Ղազախստանը, Ղրղզստանը, Ռուսաստանը եւ Տաջիկստանը:
Կազմակերպության ստեղծման մասին պայմանագիրը 1992 թվականի մայիսի 15-ին Տաշքենդում ստորագրել են Հայաստանի, Ղազախստանի, Ղրղզստանի, Ռուսաստանի, Տաջիկստանի եւ Ուզբեկստանի (ՀԱՊԿ-ի անդամ չԷ 2012 թվականից) ղեկավարները: 1993 թվականին կազմակերպությանն են միացել Ադրբեջանը, Վրաստանը (երկու երկրներն Էլ հեռացել են ՀԱՊԿ-ից 1999 թվականին) եւ Բելառուսը, հաղորդել Է ՏԱՍՍ-ը:
