Ռուբլին ուժեղ պահելն ավելի շատ հոգեբանական խթան է Ռուսաստանի ժողովրդի համար, քան` իրական տնտեսական: Փորձագետները համակարծիք են, որ եթե Արևմուտքը մնա միասնական Ռուսաստանի դեմ ուղղված պատժամիջոցները կիրառելու և պահպանելու իր պատրաստակամության մեջ, ապա տնտեսական հետևանքները Մոսկվայի համար շատ դաժան կլինեն, եթե ոչ հենց հիմա, ապա ոչ շատ հեռու ապագայում: Փետրվարի 24-ից ի վեր, երբ Ռուսաստանը ներխուժեց Ուկրաինա, ռուսական արժույթի փոխարժեքը շաբաթների ընթացքում մտավ խոշոր տատանումների փուլ: Ներխուժման առաջին օրերին ֆինանսական փորձագետները կանխատեսում էին, որ մոտ ապագայում դոլարը և եվրոն կարժենան ավելի քան 200 ռուբլի: Սակայն մարտի սկզբին դոլարը վաճառվում էր 140 ռուբլով, եվրոն՝ 150, Մայիսի սկզբին և՛ եվրոն, և՛ դոլարը վաճառվում էին 70 ռուբլուց պակաս գնով։ Եվ չնայած ռուսական պետական հեռուստատեսությունը շտապեց հայտարարել արևմտյան պատժամիջոցների դեմ հաղթանակի մասին, փորձագետները զգուշացնում են, որ փոխարժեքը արհեստականորեն իջեցվում է, քանի որ Ռուսաստանի Կենտրոնական բանկը օգտագործում է իր բոլոր ռեսուրսները՝ ռուբլու ամրապնդման համար։Թեմայի շուրջ «Առաջին լրատվական»-ը զրուցել է «Ամբերդ» հետազոտական կենտրոնի փորձագետ/ տնտեսագետ Նարեկ Կարապետյանի հետ:
Տնտեսագետի խոսքով՝ արտաքին ճակատում Հայաստանի ակտիվությունը դրական հնարավորություններ է ստեղծում տնտեսական դաշտում: