Հարավային Կորեայի նոր նախագահ Յուն Սոկ Յոլը խոստացել Է աջակցել ԿԺԴՀ-ի զարգացմանը եւ օգնել նրա քաղաքացիներին՝ միջուկազերծման պայմանով: Այդ մասին, հաղորդել Է ՌԻԱ Նովոստի գործակալությունը:
Իր պաշտոնակալության արարողության խոսքում Յուն Սոկ Յոլը հերթական անգամ ԿԺԴՀ-ին կոչ Է արել՝ «դադարեցնել միջուկային սպառազինությունները եւ անցնել միջուկազերծման», ինչպես նաեւ խոստացել Է ձգտել բանակցությունների: «Ես դուռը բաց եմ թողնում Հյուսիսային Կորեայի հետ նրա միջուկային զենքի զարգացման հետ կապված երկխոսության համար, որն սպառնում Է ամբողջ աշխարհի եւ Ասիայի խաղաղությանը, հանուն խաղաղ լուծման»,-հայտարարել Է Յուն Սոկ Յոլը:
Յուն Սոկ Յոլը նաեւ խոստացել Է, որ Հարավային Կորեան միջազգային հանրակցության հետ համագործակցությամբ կօգնի «բարելավելու Հյուսիսային Կորայի քաղաքացիների կենսամակարդակը եւ ԿԺԴՀ-ի տնտեսությունը, եթե նա դադարեցնի միջուկային զենքի մշակումը եւ իրապես միջուկազերծման անցնի:
«Հյուսիսային Կորեայի միջուկազերծումը ոչ միայն երկարատեւ խաղաղություն կբերի Կորեական թերակղզում, այլեւ մեծ ավանդ կունենա ամբողջ աշխարհի եւ Ասիայի խաղաղության ու բարգավաճման գործում»,-հայտարարել Է Յուն Սոկ Յոլը:
Պաշտոնակալության արարողությունն սկսվել Է մայիսի 10-ին ժամը 11:00-ից (Երեւանի ժամանակով 06:00-ին)՝ երկրի խորհրդարանի շենքի մերձակայքում գտնվող հրապարակում: Մասնակցում Է շուրջ 40 հազար մարդ: Տրանսպորստի երթեւեկությունն այնտեղ կդադարեցվի տեղական ժամանակով 01:00-ից մինչեւ 13:00-ն:
Հյուրերի թվում են՝ Մեծ Բրիտանիայից, Ուզբեկստանից, Ճապոնիայից պատվիրակությունները, ԱՄՆ-ի փոխնախագահ Դուգլաս Էոհոֆը, Չինաստանի փոխնախագահ Վան Ցիշանը եւ Սինգապուրի նախագահ Հալիմա Յակոբը, հաղորդել Է ՌԻԱ Նովոստին:
