Ռուսական զինված ուժերը ավիահարված են հասցրել Բելոգորիվկայում (Լուգանսկի շրջան) դպրոցի վրա, որի հետևանքով զոհվել է մոտ 60 մարդ։ Այս մասին հայտնում է Украинская правда-ն:
Փլատակների տակից տարհանվել է 30 մարդ, նրանցից յոթը վիրավորվել են։
Ըստ կայքի՝ մայիսի 7-ին Բելոգորովկայում ռուսական ավիահարվածի հետևանքով հրդեհներ են բռնկվել մոտ 300 քմ մակերեսով դպրոցի շենքում և մշակույթի տանը։ Հրդեհը մարվել է գրեթե չորս ժամ: Հայտնաբերվել են երկու մահացածների մարմիններ։ Ամենայն հավանականությամբ, շենքերի փլատակների տակ մնացած բոլոր 60 անձինք զոհվել են:
Նշենք, որ Բելոգորովկան վերջին շաբաթվա ընթացքում եղել է ռազմական գործողությունների «թեժ կետ»:
