Ուկրաինան Սև Ծովում ևս մեկ ռուսական ռազմանավ է հրթիռակոծել։ Պայթյունը, որին հաջորդել է հրդեհը, տեղի է ունեցել «Բուրեվեստնիկ» տիպի ռուսական 11356P ֆրեգատի վրա, որը գտնվում է ուկրաինական «Զմեյնի» կղզու մոտակայքում, հայտնում են ուկրաինական տեղեկատվական հարթակները։
Ինչպես հայտնի է դարձել ուկրաինական աղբյուրներից, ռուսական ինքնաթիռներն այժմ պտտվում են Սև ծովի այս տարածքի վրայով, փրկարար նավերը դուրս են եկել հրթիռակոծված ֆրեգատին օգնելու։
Թե Ռուսաստանի Սևծովյան նավատորմի մաս կազմող այս երեք ֆրեգատներից որն է խոցվել, պարզ չէ։ Նշենք, որ նավի պայթյունի մասին տեղեկություն է հայտնվել սոցցանցերում՝ երեկ երեկոյան։