Իտալական «Ռոմա»-ն ֆուտբոլի Կոնֆերենցիաների լիգայի եզրափակիչում է: Կոնֆերենցիաների լիգայի կիսաեզրափակիչի պատասխան «Ռոմա»-«Լեսթեր» հանդիպումն ավարտվեց Հռոմի թիմի նվազագույն առավելությամբ` 1:0: Իտալական թիմի միակ գնդակը 11-րդ րոպեին խփեց Թեմի Աբրահամը: Հայաստանի ազգային թիմի նախկին ավագ Հենրիխ Մխիթարյանը մրցավեճը բաց թողեց վնասվածքի պատճառով: Հայ ֆուտբոլիստը վնասվածք էր ստացել վնասվածք էր ստացել և հարկադրված փոխարինվել «Լեսթերի» դեմ կիսաեզրափակչի առաջին խաղում։ Ըստ իտալական լտատվամիջոցների ապաքինման համար կպահանջվի 3 շաբաթ։ Խաղից հետո հայ ֆուտբոլիստը բուժզննում էր անցել և պարզ էր դարձել, որ աջ ազդրի մկանային լարվածությունը է առկա: Կոնֆերենցիաների լիգայի եզրափակչում «Ռոման» մայիսի 25-ին կմրցի «Ֆեյենորդի»: Ըստ տեղեկությունների Մխիթարյանը մինչ այդ կապաքնիվի և պատրաստ կլինի եզրափակիչ մրցավեճին։ Իտալական մամուլում արդեն իսկ հիշատակվում է 5 տարի առաջ պորտուգալացի մասնագետ Ժոզե Մոուրինոյի գլխավորությամբ մեր ֆուտբոլիստի ֆանտաստիկ արդյունքը «Մանչեսթեր Յունայթեդի» կազմում։ «Ռոմայի» երկրպագուները լիահույս են, որ հայ ֆուտբոլիստին կհաջողվի կրկնել այդ արդյունքը իրենց սիրելի թիմի կազմում։ 5 տարի առաջ մեր ֆուտբոլիստը տեղ էր գտել աշխարհի ուժեղագույն առաջնություններից մեկի խորհրդանշական հավաքականում։
Հիշեցնենք, որ 2017 թվականին Եվրոպա լիգայի խաղարկության եզրափակչում «Մանչեսթեր Յունայթեդը» 2։0 հաշվով հաղթել էր «Այաքսին»։ Մխիթարյանն այս մրցավեճում դարձել էր տպավորիչ գոլի հեղինակ։ Տևական դադարից հետո «Ռոման» կխաղա եվրագավաթների խաղարկություններից մեկի՝ եզրափակում։ Կասկածից վեր է, որ այս հարթակում ևս մեծ է հայ ֆուտբոլիստի դերը։ Ամփոփելով 2016-2017 թվականների մրցաշրջանը՝ ՈՒԵՖԱ-ն կազմել էր Եվրոպա լիգայի խաղարկության խորհրդանշական հավաքականը, որում ընդգրկվել էին 18 ֆուտբոլիստներ: Հեղինակավոր այս մրցաշրջանի գավաթը նվաճած «Մանչեսթեր Յունայթեդից» ՈՒԵՖԱ-ն Եվրոպայի երկրորդ ուժեղագույն հավաքականում ընդգրկել էր միանգամից 8 ֆուտբոլիստի, այդ թվում նաև Հենրիխ Մխիթարյանին: Հավաքականի կազմը որոշել էր ՈՒԵՖԱ-ի տեխնիկական հանձնախումբը, որում ընդգրկված են նախկինում հայտնի ֆուտբոլիստներ և մարզիչներ՝ ռումինացիներ Քրիստիան Կիվուն և Իոհան Լուպեսկուն, սերբ Դեյան Ստանկովիչը, լեհ Ստեֆան Մաևսկին, Ֆինլանդիան ներկայացնող Միկսու Պաատելայնենը, ինչպես նաև «Մանչեսթեր Յունայթեդի» նախկին գլխավոր մարզիչ, լեգենդար սըր Ալեքս Ֆերգյուսոնը: Մխիթարյանը «Մանչեսթեր Յունայթեդի» կազմում լավագույնն էր Եվրոպա լիգայի այդ խաղարկությունում, որտեղ դարձել էր 6 գոլի հեղինակ, ինչպես նաև «Այաքսի» դեմ եզրափակիչ հանդիպման հերոսը: ՈՒԵՖԱ-ի պաշտոնական կայքում տեղի ունեցած քվեարկության արդյունքներով Մխիթարյանը ճանաչվել էր եզրափակիչ հանդիպման լավագույն ֆուտբոլիստ: Նրա օգտին է քվեարկել հարցմանը մասնակցածների 43 տոկոսը: Երկրորդ հորիզոնականը զբաղեցրել էր Պոլ Պոգբան, որն «Այաքսի» դեմ խաղում բացել էր հաշիվը: Եվրոպա լիգայի խորհրդանշական հավաքականում ընդգրկվել էին երեք հարձակվողներ՝ Զլատան Իբրահիմովիչը՝ «Մանչեսթեր Յունայթեդից», Ալեքսանդր Լակազետը՝ «Լիոնից», և Բերտրան Տրաորեն՝ «Այաքսից»։ Հավաքականում կարող էր տեղ ունենալ նաև «Ռոմայի» բոսնիացի հարձակվող Էդին Ջեկոն, որը հիմա Մխիթարյանի խաղընկերն է։ Նա ութ խաղում նույնքան գոլ էր խփել:
Հենրիխ Մխիթարյանը 6 գոլով ռմբարկուների հաշվարկում 9-րդ հորիզոնականում էր: Հենրիխ Մխիթարյանը ոչ միայն ճանաչվել էր 2017 թվականի Եվրոպա լիգայի եզրափակչի լավագույն ֆուտբոլիստ, այլև աչքի է ընկել տպավորիչ գոլերով: Փաստորեն, 5 տարի անց Մխիթարյանը Մոուրինյոյի գլխավորությամբ կրկին կխաղա մեծ Եվրագավաթների խաղարկություններից մեկի եզրափակչում։ Սա կլինի երկրորդ եզրափակիչը Մխիթարյանի կարիերայում։ 2019 թվականին Մխիթարյանը ելույթ ունենալով Լոնդոնի «Արսենալում» Եվրոպա լիգայի խաղարկության եզրափակիչը բաց թողեց քանի այն տեղի ունեցավ Բաքվում։
Նշենք, որ սա Կոնֆերենցիաների լիգայի առաջին խաղարկությունն է և «Ռոման» ունի հնարավորություն պատմական հաջողություն գրանցելու, հռչակվելով մրցաշարի առաջին գավաթակիրը։
