ԱԺԲ խորհրդի անդամ Գարեգին Չուգասզյանը կարծում է, որ Երևանում տեղի ունեցող իրադարձությունները մեզ շեղում են գլխավոր խնդիրներից․ «Պատմական շրջան ենք ապրում․ Իրականում աշխարհը չի փլուզվում, կերպափոխվում է: Այն հարցերով, որ մենք պետք է զբաղվեինք, չենք զբաղվում:Երևանի փողոցներում մեզ շեղող, կեղծ բեմադրություն է»:
Չուգասզյանի խոսքով՝ փողոցում չեկիստական դեմքի հայտնվելը ցույց տվեց, որ այն հրահրված է Մոսկվայից․ «Ապագաղութացման օրակարգի մասին այսօր չի խոսվում թե իշխանության, փողոցում հայտնված ընդդիմության կողմից: Ապագաղութացումը պետք է լինի Հայաստանի հիմնական օրակարգը: Անողնաշար քաղաքականություն է․ իրապես ինքնիշխանության համար պետք է ժողովրդին հայտնել արտակարգ իրավիճակների մասին: Սպասողական վիճակ է, որ ինչ-որ մեկը մեզ փրկելու է, բայց այդպես չի լինում»: