Գերմանիայի Դաշնային Հանրապետության Ներքին գործերի դաշնային նախարարությունից ստացված տեղեկատվության համաձայն՝
Ուկրաինայի քաղաքացի չհանդիսացող երրորդ պետության քաղաքացիները կարող են, որոշակի պահանջները բավարարելու դեպքում, ժամանակավոր պաշտպանություն ստանալ Գերմանիայում։
Ուկրաինայի քաղաքացի չհանդիսացող երրորդ պետության քաղաքացիները, որպես այլընտրանք կարող են ինքնակամ որոշում կայացնել՝ վերադառնալու իրենց հայրենիք։ Այդ դեպքում, Գերմանիայի Դաշնային Հանրապետությունն օժանդակում է նրանց նաև ճամփորդական ծախսերը հոգալու հարցում։ Առանձին դեպքերում հնարավոր են նաև աջակցության այլ ձևեր։ Հայրենիք ինքնակամ վերադարձի և վերաինտեգրացիայի օժանդակության ծրագրերը համապատասխանաբար արդիականացվել են, որպեսզի դրանցից հնարավոր լինի անմիջապես օգտվել։
Անձնական խորհրդատվության ժամանակ հնարավոր է տեղեկանալ աջակցության առկա հնարավորություների մասին։ Դրա համար կարելի է կապ հաստատել վերադարձի հարցերով խորհրդատվական իրավասու մարմինների հետ, որոնց հասցեները հասանելի են www.returningfromgermany.de կայքէջում։
– Ովքեր կարող են ստանալ աջակցություն
Անձինք, ովքեր բնակվել են Ուկրաինայում որպես այլ պետության քաղաքացիներ և պատերազմի հետևանքով լքել են Ուկրաինան, կարող են կամավոր վերադարձի և վերաինտեգրման աջակցություն ստանալ, եթե մուտք են գործել Գերմանիա Դաշնային Հանրապետություն 2022 թվականի փետրվարի 24-ից հետո, պաշտոնապես գրանցվել են Գերմանիայում և չունեն սեփական միջոցներ լքելու երկիրը: Այս դրույթը կիրառվում է անկախ Ուկրաինայում ունեցած կացության կարգավիճակից:
– Ինչպիսի աջակցություն է հասանելի կամավոր վերադարձի և վերաինտեգրման համար
Հնարավոր աջակցություն կամավոր վերադարձողների համար
– օդանավի կամ ավտոբուսի տոմսի գումարի վճարում.
– կեցավայրից օդանավակայան, գնացքի կամ ավտոբուսի կայարան մեկնելու գումարի վճարում.
– ճամփորդության համար գումարի վճարում (ճամփորդական օգնություն).
– մեկանգամյա ֆինանսական ստարտափ աջակցություն՝ կախված քաղաքացիությունից.
– անհրաժեշտության դեպքում՝ բժշկական աջակցություն:
Հնարավոր վերաինտեգրման աջակցություն (կախված ժամանման երկրից)
– հետագա ֆինանսական ստարտափ աջակցություն.
– վերաինտեգրման աջակցություն բնակարանային և բժշկական խնամքի հարցերով.
– մասնագիտական դասընթացներ, աշխատանք գտնելու, բիզնես սկսելու հարցերում աջակցություն:
Ինչ փաստաթղթեր է անհրաժեշտ ներկայացնել աջակցություն ստանալու համար
– անձնագիր կամ վերադարձի վկայական ծագման երկրից.
– առկայության դեպքում, Ուկրաիայում կացության թույլտվություն/կացության ապացույց.
– Գերմանիայում պաշտոնապես գրանցված լինելու ապացույց.
– միջոցների բացակայության ապացույց, անհրաժեշտության դեպքում, դա կարող է լինել գրավոր վկայություն անձի կենսապայմանների մասին (affidavit):
Լրացուցիչ տեղեկատվություն հասանելի է հետևյալ կայքէջում: