Ճապոնիայի պաշտպանության նախարարությունը ուսումնասիրում է մի քանի տասնյակ անօդաչու սարքերի խումբ ստեղծելու նախագիծը, որոնք նախատեսված են պոտենցիալ թշնամու հիպերձայնային հրթիռների արագ հայտնաբերման համար՝ այնուհետ դրանք որսալու նպատակով: Այս ծրագրի մշակման համար ռազմական գերատեսչությունը մտադիր է հատկացումներ խնդրել արդեն 2022 ֆինանսական տարվա բյուջեի շրջանակներում, հաղորդում է Sankei թերթը։
Ներկայումս, այս տվյալների համաձայն, ամերիկյան ընկերությունների հետ մշակվում է անօդաչու թռչող սարքերի մոդելների ընտրության հարցը, որոնք, ենթադրաբար, հագեցած կլինեն հատուկ ինֆրակարմիր սենսորներով։ Այս խմբավորումը պետք է գործի Ճապոնական և Արևելա-չինական ծովերի տարածքում՝ համաձայնեցված ավելի քան հազար ամերիկյան, այսպես կոչված, փոքր արբանյակների համաստեղության հետ՝ հիպերձայնային համակարգերին հետևելու համար: Ենթադրվում է, որ այն կտեղակայվի 300-ից 1000 կմ ուղեծրերում։