Բուլղարիայի խորհրդարանը մայիսի 4-ին հավանություն է տվել Ուկրաինային հումանիտար և ռազմատեխնիկական աջակցություն տրամադրելու առաջարկությանը: Այս մասին հայտնում է ՏԱՍՍ-ը:
Խորհրդարանի որոշումը թույլ է տալիս կառավարությանը վերջնական որոշում կայացնել աջակցության տրամադրման ժամկետների ու դրա հստակ ծավալների վերաբերյալ՝ ուկրաինական կողմի ցանկությանը համապատասխան:
Ուկրաինական կողմը, մասնավորապես, խնդրել է աջակցել բուլղարական ձեռնարկություններում ռազմական տեխնիկայի վերանորոգման, հացահատիկը Վառնայի նավահանգստով արտահանելու, էներգետիկայի ոլորտում համագործակցության սերտացման, ինչպես նաև փախստականներին աջակցելու ու հումանիտար օգնության հարցերում:
