Թուրքիայի զինված ուժերում պրոֆեսիոնալ զինծառայողների թիվն առաջին անգամ գերազանցել է ժամկետային զինծառայողների թվին՝ հասնելով բանակի կանոնավոր հզորության 55%-ին։ Այս մասին չորեքշաբթի հայտնել է թուրքական Cumhuriyet թերթը՝ վկայակոչելով ՊՆ 2021թ. զեկույցը։
Եթե 2017 թվականին պրոֆեսիոնալ զինծառայողները կազմում էին թուրքական բանակի անձնակազմի 38%-ը կամ 156 հազար մարդ, ապա 2021 թվականին այդ ցուցանիշը հասել է 55%-ի (216 հազար զինվորական)։ Նշված ժամանակահատվածում զորակոչված զինծառայողների թիվը 259 հազարից նվազել է՝ հասնելով 175 հազարի։ Այս տվյալները Cumhuriyet-ը մեջբերել է՝ հղում անելով ՊՆ-ին։
Թերթն ուշադրություն է հրավիրում թուրքական բանակի թվաքանակի կրճատման վրա՝ 2017թ. 453.000-ից 5 տարում այն հասել է 430.000-ի։