Մայիսի 2-ին Վաշինգտոնում տեղի է ունեցել Հայաստանի արտաքին գործերի նախարարի հանդիպումն ԱՄՆ պետքարտուղար Էնթոնի Բլինքենի հետ: Հանդիպմանը երկու զրուցակիցները խոսել են հայ-ամերիկյան գործակցության կարևորությունից և այն խորացնելու պատրաստակամությունից: Դրա կարևորության մասին խոսելը թերևս նույնիսկ ավելորդ է, և ամբողջ հարցն այն է, թե ինչ կարող ենք խոսել դրա առարկայականությունից: Այդ իմաստով, Հայաստանի արտաքին գործերի նախարարը ընդգծել է երկկողմ փոխգործակցությունը զարգացնելու ոլորտային լայն դիապազոնը: Թեմայի շուրջ «Առաջին լրատվական»-ը զրուցել է քաղաքագետ Գուրգեն Սիմոնյանի հետ:
Քաղաքագետը Միրզոյանի ամերիկյան այցը մեծ հնարավորություն է համարում. «ԱՄՆ-ն կարևորում է տարածաշրջանում Հայաստանի դերակատարությունը: Ադրբեջանը և Թուրքիան ահուսարսափի մեջ են, եթե Հայաստանը ոտքի կանգնեց, վրեժխնդրությունը հուժկու է լինելու»:
