Եվրոպական միությունը հավանաբար էմբարգո կկիրառի սիրիական նավթի արտահանման դեմ: Նախատեսվում է, որ պատժամիջոցներն ուժի մեջ կարող են մտնել արդեն այս շաբաթվա վերջին: Այս քայլով եվրոպական երկրները փորձում են ավելացնել ճնշումները Բաշար Ալ-Ասադի վարչակազմի դեմ:
Անցած ուրբաթ Եվրամիության 27 երկրների ներկայացուցիչները եկել էին համաձայնության` ուսումնասիրելու վերջին 5 ամիսների ընթացքում ընդդիմությանը ճնշելու Ալ-Ասադի իրականացրած գործողությունների հետևանքները: Այս մասին հաղորդում է Associated Press գործակալությունը` հղում կատարելով ԵՄ-ում իր աղբյուրներին: «Եթե ամեն ինչ ըստ ծրագրի լինի, արդեն հաջորդ շաբաթվա վերջին ողջ գործընթացը կավարտվի»,- ասել է եվրոպացի դիվանագետը: