ՉԺՀ-ի պաշտպանության նախարար Վեյ Ֆենհեն Թեհրան կատարած այցի ժամանակ հայտարարել Է Իրանի հետ մեկտեղ մարտահրավերներին դիմակայելու եւ ռիսկերին հակազդելու, ամբողջ աշխարհում կայունությունը պահպանելու պատրաստակամության մասին: Ապրիլի 28-ին այդ մասին հաղորդել Է Չինաստանի պաշտպանական գերատեսչությունը:
«Մենք պատրաստ ենք Իրանի հետ փոխգործակցության, որպեսզի միացյալ ջանքերի միջոցով հակազդենք մարտահրավերներին եւ ամեն տեսակ ռիսկեին, պաշտպանենք երկուստեք շահերը, միասին ապահովենք տարածաշրջանային եւ գլոբալ խաղաղությունը, ինչպես նաեւ կայունությոնը»,- ընդգծել Է Վեյ Ֆենհեն Իրանի նախագահ Էբրահիմ Ռայիսիի հետ կայացած հանդիպման ընթացքում: ՉԺՀ-ի պաշտպանության նախարարության ղեկավարի խոսքով՝ Չինաստանը «վճռականորեն պաշտպանում Է Իրանի պետական ինքնիշխանությունն ու ազգային արժանապատվությունը»:
Նա նշել Է, որ վերջին տարիներին երկու երկրների պաշտպանական գերատեսչությունների միջեւ համագործակցությունը հաջողությամբ զարգանում Է: «ՉԺՀ-ի զինված ուժերը պատրաստ են աջակցելու իրանական կողմի հետ ռազմավարական երկխությանը, ակտիվորեն օգտագործելու փոխգործակցության մեխանիզմները, նախապատրաստելու պրագմատիկ համագործակցությունը, օժանդակելու մեր երկկողմ միջբանակային հարաբերությունների մակարդակի բարձրացմանը»,- հավելել Է Վեյ Ֆենհեն, հաղորդել Է ՏԱՍՍ-ը: