Քաղաքագետ Ռոբերտ Ղևոնդյանը ֆեյսբուքյան իր էջում գրել է.
Խուլիգանությունը` որպես քաղաքական կատեգորիա։
Քիչ առաջ “խաղաղ, բաց ձեռքերով ցույց անող” որոշ խուլիգաններ հարձակվել եւ ծեծի են ենթարկել Արմեն Մարտիրոսյանին։ Եթե “ժեխ” ժողովուրդը իրենց ախորժակի համար փողոց դուրս չի գալիս, եթե մի քանի հարյուր հոգին օր օրի պակասում է, եթե քաղաքական գործընթացներ հարուցելու ներուժ չունենք, եկեք մի քանի հոգու քացու տակ գցենք – ահա այս կոնտինգենտի մտքի թռիչքի մակարդակը։
Ինչքան պետք է հանդուրժել այս պահվածքը? Վերջ թավիշինը դարձավ պողպատե մանդատ “խաղաղության դարաշրջաններ” բացելու համար? Այս իշխանությունը նույնիսկ իր փողոցներում խաղաղություն չի ցանկանում ապահովել։ Վախը, թե փողոցներում քաղաքական ծաղրածուներին կարող են փոխարինել լուրջ միավորներ, ամուր կապել է երկու կողմերին։ Բայց սա ժամանակավոր շահերի համընկնում է, որը ի վերջո ջարդվելու է հենց իրենց գլխին։
Հայաստանի օրինական իշխանություններ- դուրս եկեք ձեր կոմֆորտ-զոնայից, ապահովեք պետության ներքին անվտանգությունը, խուլիգանության տվեք համարժեք պատասխան, իսկ քաղաքական գործընթացները թույլ մի տվեք իջնեն խուլիգանության մակարդակ, Հակառակ դեպքում ձեր իսկ գեներացրած վարքագիծը ձեզ էլ է սրբելու տանի, ու ձեր նկատմամբ ոչ ոք “թավիշ” չի խաղալու։
