ԵՄ-ում կա ընկալում, որ Հայաստանին ու Ադրբեջանին չպետք է վերաբերել նույն կերպ: «Առաջին լրատվական»-ի հետ զրույցում նշեց Եվրաինտեգրման հանձնաժողովի նախագահ Արման Եղոյանը՝ անդրադառնալով վարչապետ Նիկոլ Փաշինյանի բրյուսելյան այցին:
Պատգամավորի խոսքով՝ ԵՄ-ն Հայաստանի ու Ադրբեջանի հետ կապված վերագնահատել է մոտեցումները: Անդրադառնալով ԱՄ պետքարտուղարի Ադրբեջանին ուղղված հասցեական հայտարարությանը պատգամավորը նկատեց․ «Բլինքենի հայտարարությունը էական է․ ԱՄՆ-ն հուշում է մեզ տարածաշրջանում որոշ գործընթացների մասին, սա խոսում է ամերիկյան հետաքրքրվածության մասին»:
Հարցին, թե ինչ ուղերձ է Ադրբեջանին Հայաստանում ԱՄՆ և ԵՄ դեսպանների Սյունիք կատարած այցին, պատգամավորը նշեց․«Դեսպանների այցը Սյունիք ուղերձ է Ադրբեջանին, որ չպետք է խոսել նույն տոնայնությամբ: Սյունիքը աշխարհաքաղաքական և ռազմավարական բալանսի համար ունի էական նշանակություն: Սյունիքը այն հանգուցային կետն է, որտեղ խաչվում են գերտերությունների շահերը: Մեր խնդիրն է, որ այդտեղ թույլ չտանք շահերի պայթյուն»:
