Այն նպատակը, որ դրել է ընդդիմությունը չի հասնելու․մինչև վերջ գնալը հեղաշրջումն է: «Առաջին լրատվական»-ի հետ զրույցում նշեց «Ժողովրդավարական հարթակ» հիմնադրամի տնօրեն Գարեգին Միսկարյանը:
Միսկարյանի դիտարկմամբ՝ ընդդիմությունը ոչ թե կրկնօրինակում է Փաշինյանին, այլ ասելիք չունի․ «30 տարի քաղաքական դաշտը օգտագործվել է իշխանությունը ուզուրպացնելու համար: Ընդդիմության արժեհամակարգը էլիտարիստական է: Այս ակցիաներին ժողովրդավարությունից ու դրա բարձր արժեքներից ոչ մեկ չի խոսում»:
Նա կարծում է, որ իրավիճակը պետք է գնահատենք իրատեսական․ չպետք է սպասել Փաշինյանին կամ Վանեցյանին երկիրը այս վիճակից հանելու համար․ «Այս փողոցային իրադարձությունները խորքային փոփոխություն չեն բերելու: Երբ քաղհասարակությունից կձևավորվեն քաղաքական ուժեր, իշխանությունն ու ընդդիմությունը կդառնան մարգինալ ծայրահեղականներ: Այս ակցիաները Փաշինյանին ծանրակշիռ քայլեր անելու զսպելու մեխանիզմ են»: