Միացյալ Նահանգները դեմ է ցանկացած միակողմանի գործողության, հատկապես` Ադրբեջանի կողմից, որոնք միայն սրում են Լեռնային Ղարաբաղի իրադրությունը։ Այս մասին Սենատում բյուջետային լսումների ժամանակ հայտարարել է պետքարտուղար Էնթոնի Բլինքենը։
Նրա խոսքով` Վաշինգտոնը մշակում է վստահության ամրապնդման տարբեր միջոցներ։ Բլինկենն ասել է, որ կողմ են Լեռնային Ղարաբաղում Ադրբեջանի և Հայաստանի միջև հակամարտության երկարաժամկետ կարգավորմանը։ Նա հիշեցրել է ունեցած հեռախոսազրույցները Հայաստանի և Ադրբեջանի ղեկավարության, 2 երկրների արտգործնախարարների հետ։ Պետքարտուղարն ընդգծել է՝ փորձել են օգնել խթանելու Լեռնային Ղարաբաղի վերաբերյալ երկարաժամկետ քաղաքական կարգավորման հեռանկարները»։ Թեմայի շուրջ «Առաջին լրատվական»-ը զրուցել է վերլուծաբան Արմեն Չիբուխչյանի հետ:
Վերլուծաբանը Բլինքենի հայտարարությունը համարեց պատմական. «ԱՄՆ-ն բացահայտ զսպում է Ադրբեջանին: ԱՄՆ-ը նաև հասկացնում է, որ Արցախյան տապալված գործընթացը կարող ենք սկսել նոր կետից: Բլինքենի հայտարարությունը զգուշացում էր և Ադրբեջանին, և Ռուսաստանին: Հայաստանը պետք է կտրուկ ու վճռական քայլ կատարի, դրանով լծակ կտանք Արևմուտքին»:
Չիբուխչյանին նաև սարսափեցնում է Հայաստանում 5-րդ շարասյան մասշտաբն ու վտանգը: