Թուրքիայի աջ ծայրահեղական ազգայնական «Հաղթանակ» կուսակցության (Zafer Partisi) ղեկավար Ումիթ Օզդաղը նախօրեին տեղի ունեցած ճեպազրույցում անդրադարձել է թուրքական խորհրդարանի հայազգի պատգամավոր Կարո Փայլանի կողմից Հայոց ցեղասպանությունը ճանաչող օրինագիծ ներկայացնելուն, գրում են տեղական լրատվամիջոցները։
Հիշեցնենք՝ խորհրդարանի նախագահ Մուսթաֆա Շենթոփը օրինագիծը հետ է վերադարձրել։ Օզդաղը, մասնավորապես, առաջարկել է հայ-թուրքական սահմանային դարպասն անվանակոչել Հայոց ցեղասպանության գլխավոր կազմակերպիչներից Թալեաթ փաշայի անունով։ Նա նշել է, որ Թուրքիայի և Հայաստանի միջև «Աքյաքա» սահմանային դարպասը պետք է կոչել «Թալաթ փաշա»։ «Առաջարկ ենք ներկայացնելու խորհրդարան՝ Թուրքիա-Հայաստան սահմանային դարպասը «Թալաթ փաշայի սահմանային դարպաս» անվանափոխելու վերաբերյալ։ Դիմում եմ բոլոր կուսակցություններին, այժմ դուք կանգնած եք անկեղծոււթյան փորձության առաջ»,- հայտարարել է Օզդաղը։