Ֆրանսիայի նախագահի թեկնածու, ծայրահեղ աջ «Ազգային միավորում» կուսակցության առաջնորդ Մարի Լե Պենը հայտարարել է, որ նախագահական ընտրությունների երկրորդ փուլում կրած պարտությունից հետո դեռ մտադիր չէ վերադառնալ կուսակցության առաջնորդի պարտականություններին:
Ինչպես հաղորդում է «ՏԱՍՍ»-ին, այս մասին ապրիլի 25-ին հաղորդել է BFM հեռուստաալիքը:
Լե Պենը տեղեկացրել է, որ պատրաստվում է մասնակցել 2022-ի հունիսին կայանալիք խորհրդարանական ընտրություններին:
Ֆրանսիայի ներքին գործերի նախարարության տվյալներով՝ ապրիլի 24-ին կայացած նախագահական ընտրությունների արդյունքում Էմանուել Մակրոնը վերընտրվել է Ֆրանսիայի նախագահի պաշտոնում՝ հավաքելով ձայների 58,5 տոկոսը, իսկ նրա հիմնական մրցակիցը՝ ծայրահեղ աջ «Ազգային միավորում» կուսակցության առաջնորդ Մարի Լե Պենը, հավաքել է ձայների 41,5 տոկոսը:
