Դեմոկրատական այլընտրանք կուսակցության Քաղաքական խորհրդի նախագահ, քաղաքագետ Սուրեն Սուրենյանցը կարծում է, որ վարչապետ Փաշինյանը նման շրջադարձային ելույթին պետք է նախապատրաստվեր, որովհետև նման ելույթին ընդդիմության և հասարակության արձագանքը բնական էր:
Սուրենյանցի խոսքով ունենք ընդդիմություն, որը չի ձևակերպում այլընտրանքային բովանդակություն. «Հասարակությունը գիտի ընդդիմությունը ինչից է բողոքում, բայց չգիտի ինչ է առաջարկում: Քաղաքական մտքի տկարության հետևանք է արհեստական երկընտրանքը` ռուսական գուբերնիա, թե թուրքական վիլայեթ: րքաղաքական էսկալացիան խիստ վտանգավոր է, դրանից կարող է Ադրբեջանը օգտվել: Եթե Արցախն է խնդիրը, իշխանությունն ու ընդդիմությունը պարտավոր են նստել երկխոսության»:
«Հանուն հանրապետության» կուսակցության անդամ Արտաշես Խալաթյանն էլ իր խոսքում նշեց, որ գործ ունենք մի ուժի հետ, որ Հայաստանի ապագան տեսնում է ինքնիշխանության կորստի մեջ. ««Հայաստան» դաշինքը սպասարկում է ռուսական շահեր, Հայաստանը տեսնում է ռուսական ծիրի մեջ»:
Սուրենյանցի կարծիքով` Հայաստան դաշինքը շարժվում է ՀՅԴ-ի գաղափարաբանական ուղենիշով. «Եթե ՀՅԴ-ն գա իշխանության կլինի կատաստրոֆա, երբ Առաջին հանրապետության փլատակների վրա ՀՅԴ-ն խմում էր Սևրի պայմանագրի կենացը «Հայաստան» դաշինքը երկիր կանգնեցնելու է Ալեքսանդրապոլ-2-ի փաստի առաջ»: