ԱՄՆ պետքարտուղար Էնթոնի Բլինկենը և Պենտագոնի ղեկավար Լլոյդ Օսթինը կիրակի օրը Կիև չհայտարարված այցի ժամանակ ասել են, որ Վաշինգտոնը 713 միլիոն դոլար ռազմական ֆինանսավորում կտրամադրի Ուկրաինային և եվրոպական 15 այլ երկրների։ Այս մասին հայտնում է Associated Press-ը։ Այդ միջոցներից Ուկրաինան կստանա ավելի քան 322 միլիոն դոլար, մնացած գումարը կբաշխվի Արևելյան և Կենտրոնական Եվրոպայի և Բալկանների երկրների միջև, այդ թվում՝ նրանց, որոնք Կիևին զենք են փոխանցել։
Ընդ որում, այժմ օգնությունը կգա ոչ թե զենքի պատրաստի խմբաքանակների, այլ՝ ֆինանսական տրանշի տեսքով, որի դիմաց նշված երկրները կկարողանան գնել իրենց անհրաժեշտ ռազմա-տեխնիկական համակարգերը։
