Tuesday, 16 07 2024
13:20
«Ես ծեր եմ, բայց Թրամփն էլ է ծեր». Բայդեն
Հայտնի են Հանրային ռադիոյի տնօրենի թեկնածուները
13:00
Ռուսաստանը և Ուկրաինան հայտնել են փոխադարձ հարվածների մասին
«Հյուսիսային տերևաթափ» անվանումով ահաբեկչական գործողություններ են նախապատրաստել
12:40
Բայդենը շարունակում է վստահել ԱՄՆ գաղտնի ծառայության ղեկավարին
ԱՄՆ-ն, Ռուսաստանը, Հարավային Կորեան ու Չինաստանը հետաքրքրված են Հայաստանում նոր ատոմակայանի կառուցմամբ
12:20
Մասկը միլիոնավոր դոլարներ կհատկացնի Թրամփի քարոզարշավին
Հայաստանի տնտեսական ակտիվության տեմպը մայիսին կիսով չափ կրճատվեց. ՀԲ
Վաշինգտոնում հայ-ադրբեջանական «առաջընթացի» ծանրագույն հարցականը
Թել Ավիվում ցուցարարները փակել են մայրուղին՝ պահանջելով պատանդների վերադարձը
ՀՀ-ն վերահաստատում է հանձնառությունը 2030 թ. օրակարգի իրականացմանը. ՀՀ ԱԳ նախարարի ելույթը ՄԱԿ կայուն զարգացման քաղաքական ֆորումում
11:30
Ֆասթ Բանկը համալրել է կանոնադրական կապիտալը 10 մլրդ ՀՀ դրամով
Ռուսաստանի փոստը դեպի Հայաստան բեռների առաքման թեստային փորձարկում է իրականացրել
ՀՀ ֆինանսների նախարարի տեղակալը Քիշնևում մասնակցել է ԱՄՀ և ՀԲ խորհուրդների՝ Հայաստանն ընդգրկող Ընկերակցային խմբի հանդիպմանը
Վերականգնվել է պետությանը պատճառված 224 մլն 641 հազար դրամ վնասը
Իսրայելի հարձակման հետևանքով 3 մարդ է զոհվել Լիբանանի հարավում. ԶԼՄ-ներ
10:40
Թրամփը վիրակապված ականջով ներկայացել է հանրապետականների համագումարին
ԲՏԱ նախարարը Հայաստանի տնտեսության զարգացման ծրագրերում կարևորում է մասնավոր ընկերությունների դերը
Աննա Դանիբեկյանի լիազորությունները դադարեցվել են
10:10
Ուկրաինացիների գրեթե կեսը կողմ է Ռուսաստանի հետ բանակցություններ սկսելուն
Չինաստանը «կիսում է» Կենտրոնական Ասիան, ու՞մ նյարդերն են տեղի տալու
Երևանում քարտեզագրվել է ավելի քան 50 հազար ծառ, ստեղծվել տեղեկատվական շտեմարան
09:40
Թրամփը հայտնել է փոխնախագահի իր թեկնածուի անունը
Հայաստանի ԶՈւ-ն ցույց է տվել՝ պատրաստ է նոր մակարդակի վրա գործակցել ամերիկյան բանակի հետ
«Զանգեր»–ի մոտ մեքենան ընկել է ձորը
Ուղևորը տեղում մահացել է, մյուսները տեղափոխվել հիվանդանոց
Իշխանությունը հավես չունի զբաղվելու եվրաինտեգրմամբ. որոշել են հրաժարվել հանրաքվեից
08:50
«Երկու կողմն էլ պետք է դժվար ընտրություն կատարի և գնա բարդ փոխզիջումների»․ Միլլեր
Սպասվում են տեղումներ
08:30
Նավթի գները նվազել են – 15/07/24

Շվեյցարացի պատգամավորը ցավալի է համարում Թուրքիայի կողմից մինչ օրս Ցեղասպանությունը չճանաչելու փաստը

Շվեյցարիայի Դաշնային ժողովում Շվեյցարիա-Հայաստան խորհրդարանական բարեկամական խմբի անդամ, Ազգային խորհրդի պատգամավոր Շտեֆան Մյուլեր Ալտերմատը կարծում է, որ չպատժված հանցագործությունները կրկնվելու միտում ունեն, ուստի աշխարհը պետք է հիշի Հայոց ցեղասպանությունը, որպեսզի «պատմության արյունալի հետքը» չշարունակվի։ Այս մասին պատգամավորն ասաց «Արմենպրես»-ին տված բացառիկ հարցազրույցում։

– Այս տարի լրանում է Հայոց ցեղասպանության 107-րդ տարելիցը։ Ինչպե՞ս եք գնահատում միջազգային հանրության կողմից ցեղասպանության ճանաչման ու դատապարտման գործընթացը։

– Գործընթացը կարծես առաջընթաց է գրանցում, սակայն դեռևս կան կարևոր կետեր, որոնք պետք է կյանքի կոչվեն։ Օրինակ, շատ երկրներ, այդ թվում և Շվեյցարիան, լիարժեքորեն չեն ճանաչել Ցեղասպանությունը։ Իմ երկրում, օրինակ, ճանաչել է խորհրդարանի միայն մեկ պալատը և ոչ կառավարությունը։ Եվ իհարկե, ողբերգական է, որ Իսրայելը չի ճանաչել ցեղասպանությունը։ Խաղաղության տեսանկյունից ցավալի է նաև, որ Թուրքիան անփոփոխ դիրքորոշում ունի։

– Շատ երկրներ և միջազգային կազմակերպություններ ճանաչել են և դատապարտել Հայոց ցեղասպանությունը, սակայն անգամ 107 տարի անց Թուրքիան շարունակում է իր ժխտման քաղաքականությունը։ Ձեր կարծիքով, ինչպիսի՞ն պետք է լինեն միջազգային հանրության գործողությունները։ Չե՞ք կարծում, որ կոչերից բացի նաև գործողություններ պետք է լինեն։

-Այո, հատկապես թուրքական ուժի քաղաքականության համատեքստում։ Թուրքական շահերի, ինչպես օրինակ փախստականների հարցն է կամ տնտեսական կապերը Եվրամիության հետ, իրականացումը պետք է կապված լինի Ցեղասպանության ճանաչման հետ։

– Ձեր կարծիքով՝ ի՞նչ պայմաններում Թուրքիան ի վերջո կճանաչի պատմական ճշմարտությունը։

– Անշուշտ միայն այն դեպքում, եթե Թուրքիայի կենսական շահերը կապված լինեն ճանաչման հետ։ Օրինակ, եթե թուրքական արժույթի ճգնաժամն ավելի վատանա, նման հնարավորություններ կարող են ծագել։ Իհարկե, դրական շարժառիթ կարող է լինել օրինակ Հայաստանի հետ տնտեսական կապերի հաստատումը։ Այդուհանդերձ, սրանք թերևս այնքան կենսական չեն, որ որոշիչ լինեն Էրդողանի նման ազգայնական քաղաքական գործչի համար զիջումների գնալու տեսանկյունից։

-Այս դժվարին աշխարհաքաղաքական իրադրությունում կա մտավախություն, որ Հայոց ցեղասպանության հարցը բավարար ուշադրության չի արժանանա։ Ի՞նչ պետք է արվի այս համատեքստում։

– Այո, նման վտանգ կա։ Հայաստանն ու հատկապես Արցախը հիմա ավելի մեկուսացած են, քան մինչև ուկրաինական պատերազմը, և կա վտանգ, որ էթնիկ զտումն արտաքսումների տեսքով կարող է տեղի ունենալ համաշխարհային հանրության կարծիքից աննկատ կերպով։ Այդ իսկ պատճառով հարկավոր է անհապաղ միջազգային քննարկում սկսել Լեռնային Ղարաբաղի հայերի ինքնորոշման իրավունքի հարցի շուրջ։ Անհրաժեշտ են նաև ռազմավարություններ, թե ինչպես ապահովել խաղաղություն և զարգացում ռուսական ազդեցության գոտում գտնվող երկրների համար։

– Հայաստանի և Թուրքիայի միջև սկսվել է երկխոսության գործընթաց։ Ձեր կարծիքով, այս գործընթացն ինչպես կարող է ազդել Հայոց ցեղասպանության հարցի վրա։

– Երկխոսությունը, որքան էլ որ դժվար լինի, կարող է կառուցողական լինել ճշմարտության որոնման ճանապարհին։ Այս առումով ես հուսով եմ, որ այս երկխոսությունը կարող է շատ ինտենսիվ լինել։

Անդրադառնալով Հայոց ցեղասպանության հարցին՝ տարբեր հայտնի գործիչներ հաճախ կիրառում են «այլևս երբեք» եզրույթը, սակայն պատմությունը ցույց է տալիս, որ աշխարհը կարծես թե բավարար դասեր չի քաղել, քանի որ չպատժված հանցագործությունները կրկնվելու միտում ունեն։ Ի՞նչ պետք է անի առաջավոր մարդկությունը գործնականում «այլևս երբեք»-ը տեսանելի դարձնելու համար։

-Որպեսզի «այլևս երբեք»-ն աշխատի, այն պետք է հիշվի։ Սպանությունը չպիտի դառնա նորմալ, հակառակ դեպքում պատմության արյունալի հետքը սպառնում է շարունակվել։

 

 

 

Բաժիններ
Ուղիղ
Լրահոս
Որոնում