Շաբաթներ տևած նախապատրաստական աշխատանքներից և զորքերի լայնամասշտաբ տեղաշարժերից հետո Ռուսաստանն այսօր առավոտյան սկսել է ռազմական գործողությունների նոր փուլը, որը ստացել է Դոնբասի մեծ ճակատամարտ անվանումը։ Չնայած Ուկրաինայի արևելքում մարտերը փետրվարի 24-ից չեն դադարել, բայց վաղ առավոտից ռուսական զինված ուժերն սկսել են գլխավոր հարձակումը։ Ըստ Ուկրաինայի զինուժի Գլխավոր շտաբի` Դոնեցկի, Լուգանսկի և Խարկովի շրջաններում ամբողջ ռազմաճակատի երկայնքով մեծ հարձակում է սկսել։ Որոշ մասնագետներ նշում են, որ Ռուսաստանը Դոնբասում կենտրոնացրել է շուրջ 120 հազարանոց զորք։ Դոմբասյան հարձակման մասին երեկ իր տեսաուղերձում հայտարարել էր նաև Վլադիմիր Զելենսկին: Թեմայի շուրջ «Առաջին լրատվական»-ը զրուցել է ռազմավարական վերլուծության վրացական կենտրոնի փորձագետ Վլադիմիր Կոպչակի հետ: