Ընդդիմությունը տվեց ներքաղաքական ցնցումների մեկնարկը:
Այս մասին «ֆեյսբուք»-ի իր էջում գրել է քաղաքագետ Մովսես Հարությունյանը՝ արձանագրելով, որ այս բարդ աշխարհաքաղաքական իրավիճակում, որով պայմանավորված ահագնացել են ՀՀ-ի առջև ծառացած տարածաշրջանային մարտահրավերները, հայաստանյան ընդդիմությունը տալիս է ներքաղաքական ապակայունացման մեկնարկի ազդանշանը՝ այդկերպ փատացի փորձ անելով խոչընդոտել ՀՀ իշխանություններին սևեռվել արտաքին քաղաքական ու անվտանգային խնդիրների լուծման վրա:
«Արձանագրենք, որ այս ամենն արվում է այն ժամանակ, երբ երկիրը նոր-նոր փորձում է տնտեսապես ոտքի կանգնել՝ պատերազմից ու կորոնավիրուսից հետո: Այն ժամանակ, երբ Հայաստանն իր անվտանգային ապահովության տեսանկյունից դարձել է ռուս ու ուկրաինացի քաղաքացիների ու բիզնեսի համար նախընտրելի երկիր:
Հ.Գ. Չպետք է անլուրջ վերաբերվել այս նախաձեռնությանը, քանի որ, ըստ էության, բազմաթիվ չհաջողված փորձերից հետո ընդդիմությունը գնում է վաբանկ, որի ժամանակ փորձ կանի խաղալ մարդկային նուրբ լարերի վրա՝ շահարկելով Արցախի գերզգայուն հարցը ու չխնայելով որևէ միջոց այդ ճանապարհին»,-գրել է քաղաքագետը:
