ԱԺԲ անդամ Գարեգին Չուգասզյանը անդրադառնալով ՀՀ վարչապետ Նիկոլ Փաշինյանի ԱԺ-ում արված հայտարարությանը նշեց․ «Հերթական հիասթափությունը ապրեցինք․ ոչնչատեսիլ իշխանության հետ գործ ունենք»:
Չուգասզյանի խոսքով՝ Փաշինյանը անհուսության պանդեմիա է տարածում․ «Փաշինյանի՝ միջազգային հանրության վերաբերյալ հայտարարությանը չեմ հավատում: Եթե Փաշինյանն ընդունում է, որ նախկինում անկեղծ չի եղել, ինչպես իրեն հավատանք»:
Չուգասզյանի կարծիքով, ռուս-թուրքական աքցանը, որի մեջ հայտնվել էր Հայաստանը, քանդվում է․ «Հնարավորություն է ստեղծվել, որ Արևմուտքը մտնի մեր տարածաշրջան: Նուրբ իրավիճակ է աշխարհում, Հայաստանն իր ձայնը պետք է բարձրացնի:Հայաստանի արտաքին քաղաքականության կողմնորոշումը պետք է փոխվի՝ գնում ենք կործանվող նավի հետևից դեպի հատա՞կը, թե՞ եվրոպական ընտանիք»:
