Երթեւեկությունը Ռուսաստանի հետ Վրաստանի սահմանի ուղղությամբ արգելված Է բոլոր տեսակի ավտոմեքենաների համար: Այդ մասին, ասվում Է Վրաստանի տարածաշրջանների զարգացման նախարարության ավտոմոբիլային ճանապարհների դեպարտամենտի կայքում: Հատուկ ռեժիմը նշված տարածքում սահմանվել Է անբարենպաստ եղանակի պատճառով:
Շրջակա միջավայրի ազգային գործակալության տվյալներով՝ արգելքը գործում Է Մցխեթ-Ստեփանծմինդա-Լարս միջազգային նշանակության ավտոճանապարհի Գուդաուրի-Կոբի հատվածում, որտեղ գրանցվել Է ձնահյուսերի վտանգավորության միջին մակարդակ: Ավտոմոբիլային ճանապարհների դեպարտամենտը բնակչությանը հորդորում Է՝ ճանապարհների վրա պահպանել սահմանված ռեժիմները: Մցխեթ-Ստեփանծմինդա-Լարս կենտրոնական ավտոմայրուղին՝ այսպես կոչված Ռազմավիրական ճանապարհը, այսօրվա դրությամբ միակ ցամաքային ճանապարհն Է, որը Վրաստանը եւ Հայաստանը կապում Է Ռուսաստանի հետ: Իսկ «Կազբեգի»-«Վերին Լարս» մաքսակետն այսօրվա դրությամբ միակ գործող մաքսակետն Է Վրաստանի եւ Ռուսաստանի ցամաքային սահմանի վրա, հաղորդել Է Sputnik-ը:
