Պատմաբան Դավիթ Թինոյանի կարծիքով՝ Արցախն այսօր ևս կանգնած է էքզիստենցիալ վտանգի առաջ․ « Գոյութենական վտանգի առաջ ենք․ մեզ չհաջողվեց պետությունը դնել ամուր հիմքերի վրա: 30 տարվա մեջ կարող էինք այնպիսի պետություն ձևավորել, որը տարածաշրջանային խնդիրները կլուծեր ինքնուրույն: Պետության չկայացման գործում արտաքին գործոնից բացի դերակատարում է ունեցել քաղաքական էլիտան»:
Պատմաբանի դիտարկմամբ՝ այս տարիներին մենք գնացել ենք դեպի պատերազմ․ խաղաղությունը չպետք է ինքնանպատակ լինի․ «Քաղաքական դաշտում գաղափարական պայքար չկա․ գաղափարախոսությունը մեզ մոտ արժեզրկված է»: Անդրադառնալով խորհրդարանական ընդդիմության կողմից ԱԺ նիստերը բոյկոտելուն և Արցախ ու սահմանամերձ շրջաններ մեկնելու մասին հայտարարություններին, պատմաբանը նշեց, որ նախ պետք է հասկանալ ընդդիմության պաթոսի տակ ինչ կա թաքնված:
