Ֆինլանդիայի մայրաքաղաք Հելսինկիում ապրիլի 10-ին ակցիա է կազմակերպվել՝ ի հիշատակ Մարիուպոլում զոհված երեխաների։ Ukrinform-ի փոխանցմամբ՝ այս մասին հայտնում է Yle-ն։
Ակտիվիստները մայրաքաղաքի Վոկզալնայա հրապարակ են բերել մանկական կոշիկներ, տարբեր լեզուներով մայթի վրա գրել «երեխաներ» բառը։ Ակցիայի մասնակիցները ձեռքին ունեցել են նաև Ուկրաինայի դրոշը։
Ինչպես հաղորդվում է, ռուսական զորքերի կողմից շրջափակված Մարիուպոլում առնվազն 210 երեխա է զոհվել։ Քաղաքում կատաղի մարտեր են մղվել, ռուս զավթիչները բազմիցս հարձակվել են քաղաքացիական օբյեկտների վրա, այդ թվում՝ թատրոնի վրա, որի դիմաց մայթին գրված է եղել «երեխաներ»։