Թուրքիայի պաշտպանության նախարար Հուլուսի Աքարը հայտարարել է, որ Թուրքիան թույլ չի տա պատերազմի մեջ գտնվող երկրների ռազմանավերի մուտքը Սև ծով՝ համաձայն միջազգային իրավունքի, հայտնում է թուրքական TR Haber հեռուստաալիքը։
«Մենք կկատարենք Մոնտրոյի կոնվենցիան, մենք թույլ չենք տա, որ ռազմանավերը մտնեն Սև ծով»- ընդգծել է Աքարը։ Մոնտրոյի կոնվենցիան ընդունվել է 1936-ին։ Այն թուրքական իշխանություններին լիազորում է արգելափակել Բոսֆորի և Դարդանելի նեղուցներով Միջերկրական ծովից դեպի Սև ծով անցնող այն երկրների ռազմանավերի մուտքը, որոնք գտնվում են պատերազմական վիճակում։
