Իսրայելի վարչապետ Նաֆթալի Բենեթը Թել Ավիվում իրականացված ահաբեկչությունից հետո հայտարարել Է ահաբեկչության դեմ պայքարում անվտանգության ուժերին «գործողությունների լիակատար ազատություն» տրամադրելու մասին:
Հրաձգությամբ ահաբեկչության հետեւանքով, որը Թել Ավիվի կենտրոնում կատարվել Է ապրիլի 7-ի երեկոյան, զոհվել Է երկու մարդ, չորս տուժածներ գտնվում են ծայրահեղ ծանր վիճակում, ընդամենը վիրավորվել Է 12 մարդ: Բենեթի մասնակցությամբ տեղի ունեցած խորհրդակցության ընթացքում որոշում Է ընդունվել բանակի ու ոստիկանության խոշոր ուժեր տեղափոխել Թել Ավիվ: Ապրիլի 8-ի առավոտյան ԶԼՄ-ները, վկայակոչելով Իսրայելի անվտանգության ընդհանուր ծառայությանը (ՇԱԲԱԿ), հաղորդել են, որ ահաբեկիչը փոխհրաձգության ժամանակ ոչնչացվել Է Թել Ավիվի Յաֆֆա արվարձանում:
«Այս երկար գիշերն ավարտվելիս մեր ուժերը հայտնաբերել են ահաբեկչին ու ոչնչացրել նրան… Մենք գիտենք, որը խոսքը 29-ամյա ահաբեկչի մասին Է՝ Ջենինից, որը որեւԷ կազմակերպության չԷր պատկանում, բայց ինչ-որ մեկը նրան օգնել Է ինչպես նախապատրաստվելու ժամանակ, այնպես Էլ զենք ստանալիս: Յուրաքանչյուր մարդասպան իմանալու Է, որ մենք նրա դատաստանը տեսնելու ենք: Ցանկացած մեկը, ով օգնում Է ահաբեկիչներին, պետք Է իմանա, որ այն գինը, որը նա վճարելու Է, շատ բարձր Է լինելու:
Վարչապետը նշել Է, որ թեեւ այս միջադեպը Թել Ավիվում հարթվել Է, սթափությունը չի նվազում ո՛չ այս քաղաքում, ո՛չ Էլ երկրի մյուս մասերում: «Այսօր առավոտյան մենք իրադրությունը գնահատել ենք պաշտպանության նախարար Բենի Հանցի, ներքին անվտանգության նախարար Օմեր Բար-Լեւի եւ անվտանգության ուժերի բոլոր ղեկավարների հետ: Մենք գործողությունների լիակատար ազատություն ենք տրամադրում Իսրայելի բանակին, ՇԱԲԱԿ-ին եւ անվտանգության բոլոր ուժերին՝ ահաբեկչությունն արմատախիլ անելու համար: Չկա եւ չեն լինելու սահմանափակումներ այս պատերազմի համար»,-հավելել Է Բենեթը, հաղորդել Է ՌԻԱ Նովոստին: