Կոնֆերենցիաների լիգայի քառորդ եզրափակչում «Ռոման» հյուրընկալվելիս 2։1 հաշվով զիջեց նորվեգական «Բոդո Գլիմտին»։ Առաջին խաղակեսում Հենրիխ Մխիթարյանի փոխանցումից հետո Պելեգրինին առաջ էր մղել «Ռոմային», բայց․․․։ Ընթացիկ մրցաշրջանում համեստ ռեսուրսներ ունեցող «Գլիմտը» երկրորդ անգամ հաղթեց Ժոզե Մոուրինյոյի գլխավորած թիմին։ Հիշեցնենք, որ այս թիմերը երկու անգամ հանդիպել էին մրցաշարի խմբային փուլում։ Տանը «Ռոման» ոչ-ոքի 2։2 էր խաղացել, իսկ արտագնա խաղում սենսացիոն պարտություն էր կրել 6։1 հաշվով «Ուրախ եմ վերադառնալ այստեղ, հուսով եմ, որ այս անգամ ամեն ինչ շատ ավելի լավ կլինի, քան նախորդ անգամ: Մենք հարգում ենք «Բուդ-Գլիմտին», քանի որ նրանք ապացուցել են, որ հիանալի թիմ են: Այս հանդիպումը նման չի լինի հոկտեմբերին կայացած խաղին: Այն հանդիպմանը խաղացած ֆուտբոլիստներից շատերն այլևս մեր կազմում չեն։ «Ռոման» այժմ այլ թիմ է: Հոկտեմբերին տեղի ունեցած հանդիպումն իսկական դրամա էր, քանի որ 1:6-ն ավելին է, քան պարզապես պարտություն։Մենք շատ ավելի ուժեղ ենք դարձել, և հուսով եմ, որ դա կօգնի մեզ»,- խաղից առաջ ասել էր Մոուրինյոն։
Այս անգամ «Ռոման» չպարտվեց 5 գնդակի տարբերությամբ, բայց ասել, որ իտալական ակումբ, ավելի ուժեղ է դարձել կարծում ենք ճիշտ չի լինի։ Հոկտեմբերին տեղի ունեցածը Մոուրինյոյի մարզչական կարիերայի ամենաստորացուցիչ պարտությունն էր։ Մասնավորապես, նրա գլխավորած թիմերից «Ռոման» դարձավ առաջինն էր, որը բաց էր թողել 6 գնդակ։ Մոուրինյոյի ամենախոշոր պարտությունը եղել էր «Ռեալում»։ 2010 թվականին մադրիդյան թիմը Էլ կլասիկոյում 0։5 հաշվով պարտվել էր «Բարսելոնային»։ Թվում էր թե Նորեվգիայում կրաս խայտառակությունից հետո պորտուգալացի մասնագետը ամեն ինչ կանի ռևանշի հասնելու համար։, բայց․․․ Հռոմում կայացած պատասխան խաղում ռևանշը չկայացավ և նորվեգացիք տուն վերադարձան մեկ միավորով։ Շատերը վստահ էին, որ խմբային փուլում կրած անհաջողությունից հետո Կոնֆերենցիաների լիգայի քառորդ եզրափակչում Մոուրինյոն վերջապես կկոտրի նորվեգական թիմի դիմադրությունը։ Երկու ձածողումներից հետո նույն թիմին պարտվելը ուղղղակի ապտակ է հանրայատ մասնագետին։ Ակումբային միջազգային մրցաշարում գրանցված արդյունքն ինչ խոսք մեկնաբանելը բարդ է։ Համեմատության համար նշենք, որ «Ռոմայի» ֆուտբոլիստների տրանսֆերային ընդհանուր արժեքը կազմում է 430 միլիոն եվրո, մինչդեռ նորվեգական ակումբի խաղացողների տրանսֆերային հանրագումարն ընդամենը 15 միլոն եվրո է։ Միայն Մխիթարյանի տրանսֆերային արժեքը 10 միլիոն է։ «Մեղավորը ես եմ։ Հենց այս կազմով էի ցանկանում խաղալ։ Ցանկանում էի որոշ ֆուտբոլիստների խաղալու հնարավորություն տալ։ Ֆուտբոլիստների մեկ խմբի և մյուս խմբի միջև խաղամակարդակի մեծ տարբերություն կա։ Եթե ես կարողանայի միշտ մեկ կազմ հանել խաղադաշտ, այդպես էլ կանեի։ «Բուդյո-Գլիմտն» ավելի որակյալ թիմ է, քան մենք։ Համենայնդեպս, այսօր այդպես էր։ Մրցակցի այն ֆուտբոլիստները, որոնք խաղադաշտ դուրս եկան մեկնարկայինից ավելի որակյալ էին, քան նրանք՝ որոնց ես առաջին րոպեից ընտրել էի մեկնարկային կազմի համար»,- խաղից հետո ասել էր Մոուրինյոն։
Ինչ խոսք առջում քառորդ եզրափակչի պատասխան հանդիպումն է, բայց մինչ օրս գրանցված վիճակագրությունը փաստում է, որ ։ «Բուդյո-Գլիմտն» իսկապես ավելի որակյալ թիմ է։ Ժոզե Մոուրինյոյի ունի թերևս վերջին՝ 4-րդ հնարավորությունը ռևանշի հասնելու համար։ Ամեն դեպքում, նույնիսկ հաղթելու դեպքում «Ռոման» և Մոուրինյոն հնդհանուր դիմակայությունում կշարունակեն մնալ հետապնդողի դերում։
Նորվեգական թիմին 3 խաղում հաջողվել է երկու հաղթանակ տանել, ինչը ընդունենք ֆանտաստիկ արդյունք է։