Աէրոզոլ (գոլորշի)
Աէրոզոլը (գոլորշի) ձևավորվում է ավելի ցածր ջերմաստիճանում՝ գոլորշիացումից, երբ ծխախոտը կամ հեղուկը տաքանում է։ Աէրոզոլը չի պարունակում պինդ մասնիկներ։ Ավելին, այն կազմված է հեղուկ մասնիկներից, որոնք ձևավորվում են ջրից, պրոպիլեն գլիկոլից ու գլիցերոլից։ Աէրոզոլի մեզ ծանոթ տեսակներն են ամպերը, մառախուղը, տաքացվող ծխախոտի գոլորշին և այլն։ Իրականում, աէրոզոլը տեսանելի է դարձնում դրա մասնիկների միջով անցնող լույսը, որը տալիս է նրան ամպի տեսք։
Ծուխ
Սիգարետի ծուխը քիմիական նյութերի բարդ խառնուրդ է, որը պարունակում է պինդ մասնիկներ ու հազարավոր քիմիական նյութեր, որոնք առաջանում են բարձր ջերմաստիճանի դեպքում, երբ տեղի է ունենում այրում։ Տարիներ առաջ ամերիկացի գիտնականները պարզել են, որ սիգարետի ծուխը կարող է վնաս հասցնել նաև չծխողներին, ինչի արդյունքում էլ առաջացել է երկրորդային ծուխ հասկացությունը։
Երկրորդային ծուխ
Երկրորդային ծուխը սիգարետի այրման արդյունքում արտազատվող ծուխն է, որը շնչում են ծխողի շրջապատում գտնվող անձիք։ Երկրորդային ծուխը բացասաբար է ազդում սրտի, արյան ու անոթային համակարգերի աշխատանքի վրա։
Հետազոտությունները ցույց են տվել, որ այն երեխաները, որոնք ենթարկվում են երկրոդային ծխի ազդեցությանը, ավելի հաճախ են հիվանդանում։
Առողջապահության Համաշխարհային Կազմակերպության գնահատմամբ՝ աշխարհում շուրջ 1 միլիարդ ծխողները հանդիսանում են չծխող մարդկանց շրջանում երկրորդային ծխի ազդեցության հետևանքով տարեկան 880 000 մահերի պատճառ։
Տաքացվող ծխախոտի արտազատած աէրոզոլը պարունակում է 95% ավելի քիչ վնասակար նյութեր, քան սիգարետի ծուխը։ Բացի դրանից, սիգարետի այլընտրանքները (ծխախոտի տաքացման համակարգեր, սնուս և այլն) չեն հանդիսանում երկրորդային ծխի աղբյուր։
Առողջապահական չափումների ու Գնահատման ինստիտուտի տվյալներով՝ ամբողջ աշխարհում մահերի 2%-ը հարուցվում է երկրորդային ծխի պատճառով։ 2017թ․-ին որոշ երկրներում, ներառյալ՝ Չինաստանը, Դանիան, Նիդեռլանդները, Հունաստանն ու Գրենլանդիան, այս ցուցանիշը հասել է 5-ից մեկի։
Այրումից տաքացում
Ծխախոտի տաքացման արդյունքում չի արտադրվում ծուխ եւ երկրորդային ծուխ, փոխարենը արտազատվում է հեղուկային հիմքով աէրոզոլ, որը պարունակում է ջուր, գլիցերին, նիկոտին և բուրավետիչներ։ Աէրոզոլը բացասաբար չի ազդում օդի որակի վրա և չի վնասում շրջապատող մարդկանց։ Ծխախոտի տաքացման սկզբունքով աշխատող սարքերի դեպքում բացակայում է պասիվ ծխելու գործոնը։ Աէրոզոլում զգալիորեն ցածր է վնասակար քիմիական նյութերի մակարդակը և չկան ածխախնային հիմքով պինդ մասնիկներ։ Արդյունքում՝ օրգանիզմը ավելի քիչ է ենթարկվում քիմիական նյութերի ազդեցությանը՝ ի տարբերություն ծխելուն։
