Այսօր Ադրբեջանի Սահմանադրական դատարանը պաշտոնապես ճանաչել է նոյեմբերի 7-ին տեղի ունեցած խորհրդարանական ընտրությունների արդյունքները: Ըստ Կենտրոնական ընտրական հանձնաժողովի տվյալների՝ խորհրդարանական ընտրություններին ընտրողների մասնակցությունը կազմել է 49,56 տոկոս, քվեարկությանը մասնակցել է 2 մլն 840 հազար 588 քաղաքացի:
ԿԸՀ-ն չեղյալ է հայտարարել քվեարկության արդյունքները 20 ընտրատարածքների 46 ընտրական տեղամասերում: Սակայն ինչպես նշել Է ԿԸՀ-ի նախագահ Մազաիր Փանախովը, դա չի ազդել քվեարկության արդյունքների վրա: Ադրբեջանի 125-տեղանոց խորհրդարանի ընտրություններին մասնակցել էր 690 թեկնածու,- հայտնում է РБК.ru-ն:
Հիշեցնենք, որ ընտրությունների արդյունքում կառավարող «Ենի Ազերբաջան» կուսակցությունից ստացել են 71 մանդատ: Խորհրդարան են անցել ևս տասը քաղաքական կուսակցությունների ներկայացուցիչներ:
