«Արտահանման ծավալների մի փոքր կրճատում կա, սակայն այս պահի դրությամբ ձկնաբույծների համար առաջին խնդիրն ու անհանգստությունը Լարսի ճանապարհն է,որի փակվլու պատճառով մոտ 14 օր ձկնաբույծների ապրանքը մնացել է ճանապարհին։ Արդյունքում Ռուսաստան ուղևորվող ձկան ահագին մասը փչացել է՝ մեծ վնասներ պատճառելով ձկնաբույծներին։ Սակայն ամենամտահոգիչն այն է, որ այս հարցին հիմա լուծում չկա»։
«Առաջին լրատվական»-ին հայտնեց «Ձկնաբույծների միության» նախագահ Արմեն Բունիաթյանը՝ պատասխանելով հարցին, թե ռուբլու շեշտակի անկումն ու արևմտյան ֆինանսա-տնտեսական պատժամիջոցների հետևանքով ծանր դրության մեջ հայտնված Ռուսաստանի տնտեսությունը ի՞նչ ազդեցություն է ունեցել հայկական ձկնատեսակների պահանջարկի և ընդհանուր Հայաստանի ձկան արտահանության վրա։
Հարցին ՝արդյոք Կառավարությունը որևէ կերպ չի փոխհատուցում Լարսի ճանապարհին փչացած ձկնեղենի դիմաց, միության նախագահն, ի պատասխան ասաց. «Չէ, ինչ փոխհատուցում…երբեք էլ ոչ մի փոխհատուցում չի եղել, չեն էլ սպասում։ Միշտ էլ այդ վնասները մնում են ձկնորսների ուսերին»։
Վերջինիս կարծիքով՝ արտահանման ծավալների փոքր չափով կրճատումը կապված է հիմնականում Ռուսաստանի քաղաքացիների գնողունակության նվազման հետ, սակայն արտահանման նվազումը կարող է խորանալ և Հայաստանից ձկան արտահանման և ընդհանրապես ձկնաբուծության ոլորտի համար ահռելի խնդիրներ ստեղծել, եթե ավելի երկար շարունակվի ռուս-ուկրաինական ռազմական բախման հետևանքով սկիզբ առած պատժամիջոցները։ Ինչո՞ւ եմ այդպես ասում, որոհետև փաստացի կարելի է ասել Ռուսաստանը Հայաստանի ձկան արտահանման միակ շուկան է»,-նշեց նա և շարունակելով հավելեց.-որովհետև օրինակ՝ մեր հարևան Վրաստանի շուկան,որը մեզ համար բավականին ձեռնտու կլիներ,հրաժարվել է Հայաստանից ներկրել ձկնեղեղեն՝ նախընտրությունը տալով թուրքական և այլ երկրների ձկնեղենին։ Արդեն քանի տարի այդպիսի քաղաքականություն է որդեգրել։ Այս պահին չենք մտածում այլընտրանքյին շուկաներ գտնելու մասին,բայց լավ կլիներ այլ շուկաների հետ կապ ունենայինք կամ հապճեպ կարողանայինք գտնել,որ հետո փաստի ռաջ չկանգնենք»։
Շարունակելով անդրադառնալ Ռուսաստանի դեմ պատժամիջոցների բացասական ազդեցություններին՝ նշեց, որ թեև այնտեղ արտահանվող հայկական ձկան գները դեռևս փոփոխություներ չեն կրել,սակայն ձկնաբույծների եկամուտները, այնուամենայնիվ, պակասելու են ձկնակերի թանկացման և դրան զուգահեռ ռուբլու արժեզրկման պատճառով։
Հարցին՝ արդյոք մտադրություն չունեն ձկնաբույծները օգտվել Կառավարության առաջարկած 6ամսով պետական սուբսիդավորմամբ լաստանավային փոխադրման ծրագրից, միության նախագահն ասաց, որ տեղյակ են ծրագրից, և եթե պարզեն,որ այդ տեսակի փոխադրում ապահովում է ձկնեղենի արտահանման համար անհրաժեշտ հատուկ պայմանները,անպայման կմտածեն,կդիտարկեն այդ ծրագիրը, որովհետև այսպես գոնե ապրանքն օրերով չի մնա, փչանա, իսկ Լարսի վրա այլևս հույս դնել չի լինում։
