Ֆուտբոլի Հայաստանի ազգային թիմի Նորվեգիայից կրած խայտառակ պարտությունը տեղի ունեցավ ոմանց համար ինքնանպատակ դարձած սերնդախփության ֆոնին ։ Ազգային հավաքականի գլխավոր մարզիչ Խոակին Կապառոսը նպատակ դնելով իրականացնել սերնդափոխություն Չեռնոգորիայի և Նորվեգիայի հետ հանդիպումներին ևս հրավիրել էր մի քանի ֆուտբոլիստների երիտասարդական հավաքականից։ Սա առաջին դեպքը չէ, երբ Կապառոսը փորձարկում է երիտասարդների։ Ինչ խոսք սերնդափոխությունը միանգամայն առողջ և ինչ-որ տեղ նույնիսկ պարտադիր գործըթաց է, որը տեղի է ունենանում յուրաքանչյուր հավաքականում։ Միևնույն ժամանակ նշենք, որ սերնդափոխությունը իրականացվում է այն պահից երբ տեսադաշտում կան որակյալ կադրեր, ազգային թիմի ֆուտբոլիստներին արժանի փոխարինողներ։ Կապառոսն արդեն երկու տարի է ինչ գլխավորում է ազգային թիմը և այս ընթացքում փորձարկել է մոտ մեկ տասնյակ երիտասարդ ֆուտբոլիստների։ Եվ որն է արդյունքը։ Կարող ենք տալ գոնե մեկ ֆուտբոլիստի անուն, որը երիտասարդականից տեղափոխվելով ազգային թիմ ամրապնդվել է մեկնարկային կազմում։
Մի քանի հանդիպում տպավորեց «Արարատ-Արմենիայի» կիսապաշտպան Ժիրայր Շաղոյանը, բայց նրա փայլատակումը կարճ տևեց։ Սկսենք նրանից, թե ով է ազգային հավաքականի համար ֆուտբոլիստներ պատրաստում։ Ազգային հավաքականի հիմնական ռեզերվը՝ Երիտասարդական հավաքականը ինչպես նաև ԲԿՄԱ-ն գլխավոր է Ռաֆայել Նազարյանը, որը Եվրոպայի առաջնության ընտրական փուլը դեռևս չավարտված հասցրել է տապալել թիմը։ Կրելով 5 անընդմեջ պարտություն, 7-րդ տուրից հետո Հայաստանի հավաքականը 3 միավորով եզրափակում է մրցաշարային աղյուսակը։ Նազարյանի գլխավորությամբ մերոնք «հաջողացրել» են պարտվել Ֆարերյան կղզիներին, 7։0 հաշվով զիջել են Ֆրանսիային։ Նշենք, որ երիտասարդականի կորիզը կազմում է հենց ԲԿՄԱ-ն, որը ելույթ է ունենում Հայաստանի բարձրագույն խմբի առաջնությունում։ Այսինքն ընտրական մրցաշարում ավելի խաղացված թիմ քան Հայաստանի երիտասարդական հավաքականն է դժվար է գտնել։ Ժամանակին խոսում էինք, որ մեր երիտասարդները հնարավորություն չեն ստանում իրենց թիմերում խաղալու և չունեն խաղային պրակտիկա։ Այսօր նրանք խաղում են բարձրագույն խմբում, խաղում են միասին և կես բառից հասկանում են իրար։ ԲԿՄԱ-երիտասարդական կապի ստեղծումը ՀՖՖ-ի լավագույն քայլերից մեկը կարելի է համարել, բայց․․․։ Ստեղծելով այդ կապը ֆուտբոլի ֆեդերացիան թերացել է մեկ կարևոր հարցում։ Մեր ֆուտբոլի կարևորագույն հանգույցը վստահելով Ռաֆայել Նազարյանին։
Ֆարերյան կղզիներից պարտվող ֆուտբոլիստները կարո՞ղ են արդյոք փոխարինել ագզային թիմի ֆուտբոլիստներին։ Պատասխանը պարզ է։ ՀՖՖ-ի հաջորդ սխալը Ֆարերյան Կղզիներից կրած պարտությունից հետո Նազարյանին աշխատանքից չազատելն էր։ Մինչև վերջերս Նազարյանը ԲԿՄԱ-ն և երիտասարդականը գլխավորելուց զատ զբաղեցնում էր նաև ՀՖՖ-ի տեխնիկական տնօրենի պաշտոնը։ Այսինքն ՀՖՖ-ն ստեղծել էր ֆուտբոլային Նապոլեոնի մի կերպար, որը պետք է միանգամից 4-5 ֆրոնտում շենացներ մեր ֆուտբոլը։ Հիշեցնենք, որ տեխնիկական տնօրենի գործառույթների մեջ է մտնում նաև բոլոր հավաքականների համակարգումը։ Թե ինչու էր Նապոլեոնի կերպարում ընտրվել հենց Նազարյանը դժվար է ասել։ Արդյունք եղավ այն, որ տապալվեցին գրեթե բոլոր հավաքականները։ Ազգային թիմում ելույթ ունեցած և ոչ մի ֆուտբոլիստ աչքի չընկավ։ Վահան Բիչախչյանն այո, երիտասարդական հավաքականից է տեղափոխվել ազգային, բայց նա Գյմումրիի ֆուտբոլի սան է և բարեբախտաբար չի անցել Նազարյանի «շկոլան»։ Ռաֆայել Նազարյանի ցույց տված արդյունքների մասին բազմիցս ենք խոսել։ Երեկ է գործելու ժամանակը։ Նախքան սերնդափոխության գործըթնացին անցնելը ՀՖՖ-ն պետք է ազգային թիմը և ԲԿՄԱ-ն վստահի բարձրակարգ մասնագետի։
Այդ երիտսարդներին խաղացնող է պետք։ Նրանք պետք է խաղան, որոշակի արդյունքի հասնեն նոր ուժերը փորձեն ազգային թիմում։ Կրկնում ենք, խոսքը գնում է մի ամբողջ ֆուտբոլային սերնդի մասին, որը գլորվում է անդունդը։ Ռաֆայել Նազարյանին պաշտոնանկ չանելու պարագայում մեր տղաներին անդունից դուրս բերել այլևս անհնար կլինի։
