Այսօր ապրում ենք չափազանց ծանր, բարդ ու պատմական մի փուլ, պայմանավորված նաև, և թերևս ամենից առաջ աշխարհաքաղաքական իրողությունների ծանրությամբ: Աշխարհակարգ է քանդվել և կա նորի համար դաժան պայքար, որտեղ Հայաստանը արանքում գտնվող սուբյեկտներից մեկն է: Պատմաբանները մեր օրերում թերևս կրկնակի առաքելություն ունեն ոչ միայն անցյալի վերաբերյալ վերլուծություններ անելու, այլև անցյալի վրա հիմնված ապագայի մասին խոսելու՝ որ ոչ մի դեպքում, ոչ մի պարագայում Հայաստանի պատմության վերջը չէ, որովհետև Հայաստանը բոլոր դեպքերում կանգնել ու կանգնած է ոչ թե որևէ գործչի կամ ուժի, այլ Հայաստանում ապրող ժողովրդի վրա: Թեման «Առաջին լրատվական»-ը քննարկել է պատմաբան Զոհրաբ Գևորգյանի հետ:
Պատմաբանի գնահատմամբ՝ մեզ մոտ ճահիճ է, բայց հանրությունը ուշադրությունը սևեռել է գորտերի վրա․ «Մեր հանրությունը երբեմն անկեղծ չէ, տիրում է կեղծ հայրենասիրություն: Որոշ ուժեր ֆինտ են անում․ փորձ է արվում ներկայացնել պետության փաստացի վերացման մասին»: Անդրադառնալով խորհրդարանական ընդդիմության կողմից փողոց դուրս գալու կոչերին, պատմաբանը նշեց․ «Այն ուժերը, որոնք փորձում են իրականացնել իշխանափոխություն, ցայտնոտի մեջ են: Տպավորություն է պատվեր ունեն, որը անպայման պետք է կատարեն»:
