Կիևի քաղաքապետ Վիտալի Կլիչկոյի եղբայրը՝ Վլադիմիր Կլիչկոն, ժամանել է Բեռլին՝ Ուկրաինային օգնելու հարցով քաղաքական բանակցություններ վարելու նպատակով։ Այս մասին հինգշաբթի հայտնել է Bild թերթը։
Կլիչկո կրտսերը Բեռլին է մեկնել Կիևից։ Bild-ին տված հարցազրույցում նա ասել է, որ մտադիր է աջակցել ուկրաինական պատվիրակությանը՝ Բեռլինում քաղաքական բանակցությունների ժամանակ։ «Մենք խոսում ենք Ուկրաինային հետագա օգնության մասին՝ երկրի համար դրամատիկ այս իրավիճակում»,- ասել է նախկին բռնցքամարտիկը։
Bild-ի փոխանցմամբ՝ Վլադիմիր Կլիչկոյի մասնակցությունը բանակցային գործընթացին պայմանավորված է Գերմանիայում նրա մեծ ժողովրդականությամբ։ Թե ուկրաինական ինչ պատվիրակություն է գտնվում Բեռլինում, և ով է այն գլխավորում, չի նշվում։