Նիգերիան պատրաստ Է իր գազը վաճառել ցանկացած երկրի, որտեղ դրա պահանջարկը կլինի: Այդ մասին ՌԻԱ Նովոստիին հայտարարել Է Մոսկվայում Նիգերիայի դեսպան Աբդուլլահի Շեխուն՝ մեկնաբանելով եվրոպական երկրներում ռուսաստանյան մատակարարումները փոխարինելու հնարավորությունը՝ ի դեպս ռուբլով վճարելուց նրանց հրաժարվելու:
ՌԴ նախագահ Վլադմիր Պուտինը մարտի 23-ին հայտարարել Է, որ Ռուսաստանը ոչ բարեկամ երկրներ գազի մատակարարումների դիմաց հաշվարկները փոխադրում Է ռուբլու, ռուսական ապրանքները ԵՄ եւ ԱՄՆ մատակարարելը եւ նրանց արժույթով վճար ստանալն իմաստ չունի:
Պուտինը ԿԲ-ին եւ նախարարների կաբինետին հանձնարարել Է մեկ շաբաթյա ժամկետում սահմանել Եվրոպայի հետ ռուբլով գործառնությունների կատարման կարգը: Միեւնույն ժամանակ նա հայտարարել Է, որ Ռուսաստանը կշարունակի գազը մատակարարել այն ծավալներով ու գներով, որոնք գրանցվել են ավելի վաղ կնքված պարտավորագրերում, քանի որ երկիրը բարձր Է գնահատում իր համբավը:
«Նիգերիան դեմ չԷ գազ վաճառել ցանկացած երկրի, որը կցանկանա այն գնել, առանց որեւԷ խտրականության: Այնպես որ թող իրենք որոշեն, թե ինչպիսի այլընտրանք գտնեն»,-ասել Է նա, պատասխիանելով այն հարցին, թե պատրաստ Է արդյոք Նիգերիան փոխարինել Եվրոպայում գազի ռուսաստանյան մատակարարումները:
Ավելի վաղ ՌԴ ԱԳ նախարարության փոխղեկավար Սերգեյ Ռյաբկովը հայտարարել Է, որ ՌԴ-ն հույս ունի Եվրոպայի երկրների հետ լուծում, փոխզիջումային տարբերակ գտնել գազի դիմաց վճարը ռուբլու փոխադրելու հարցի վերաբերյալ: Նա նաեւ նշել Է, որ Ռուսաստանը չի փոխում պարտավորագրերի պայմանները ռուբլու փոխադրելու դեպքում, այլ պաշտպանում Է իր շահերը: ՌԴ ԱԳ նախարարության փոխղեկավարն ընդգծել Է, Ռուսաստանը միշտ հուսալի մատակարար Է եղել բոլորի համար եւ մտադիր Է շարունակել դա անել, սակայն Մոսկվայի պահանջներն ու շահերը պետք Է պահպանվեն: