Ձայների վաճառքի հետ կապված սկանդալում ներգրավված ՖԻՖԱ-ի անդամները չեն մասնակցի Աշխարհի՝ 2018թ. եւ 2020թ. առաջնություններն ընդունող երկրներին որոշող քվեարկությանը: Այս մասին Reuters-ին հայտարարել է ՖԻՖԱ-ի բարձրաստիճան մի պաշտոնյա: Հիշեցնենք, որ բրիտանական The Sunday Times թերթի անցկացրած հետաքննության արդյունքում հայտնաբերվել էր, որ ՖԻՖԱ-ի կոմիտեներից մեկի երկու անդամներ` Օվկիանիայի ֆուտբոլի ֆեդերացիայի նախագահ Ադամուն եւ կոմիտեի նիգերիացի ներկայացուցիչ Թեմարինին, պատրաստվում են վաճառել իրենց ձայները:
ՖԻՖԱ-ի կանոնադրությամբ, այդ կազմակերպության գործկոմը, որը բաղկացած է 24 անդամից, ընտրում է ընդունող երկրները: Ադամուն եւ Թեմարինին այդ գործկոմի անդամ են:
ՖԻՖԱ-ի նախագահ Զեպ Բատերը գործկոմի բոլոր անդամներին խնդրել է մինչեւ քննության ավարտը չշփվել լրագրողների հետ եւ զերծ մնալ որեւէ մեկնաբանությունից:
