Հունաստանի խորհրդարանի «Հունական լուծում» կուսակցյան հայտարարությամբ է հանդես եկել ադրբեջանցիների Արցախ շարունակական ներխուժման վերաբերյալ:« Բռնապետ Ալիևի ռեժիմը շարունակում է էթնիկ զտումների իր քաղաքականությունն Արցախի մեր ուղղափառ հայ եղբայրների նկատմամբ: Հազարավոր խաղաղ բնակիչներին իրենց նախնիների տներից վտարելուց ու Ադրբեջանի իսլամիստ ահաբեկիչների և թուրքական զինված ուժերի օգնությամբ մահաբեր ներխուժումից հետո Ալիևը, օգտվելով Ուկրաինայի պատերազմից, նոր հարձակում սկսեց Հայաստանի հերոս պաշտպանների դեմ։
Հունաստանը պետք է գործնականում իր համերաշխությունն ու աջակցությունը ցույց տա Հայաստանի ժողովրդին, և նույնը պետք է անի միջազգային հանրությունը, ճիշտ այնպես, ինչպես դա արվեց Ուկրաինայի դեպքում ռուսական ներխուժման պարագայում:
Հունաստանը միշտ պետք է կանգնի պատմության ճիշտ կողմում ու առանց «զեղչերի» պաշտպանի միջազգային իրավունքը։
Բացի ակնհայտ պատժամիջոցներից, որոնք պետք է կիրառվեն Ադրբեջանի ու անձամբ Ալիևի նկատմամբ խաղաղ բնակչության, ինչպես նաև ցանկացած ընդդիմադիր ձայնի համար իր վայրագությունների համար Հունաստանի ողջ կառավարությունը և Հունաստանի ողջ խորհրդարանը պետք է հրավիրեն ՀՀ վարչապետ Նիկոլ Փաշինյանին `միջազգայնացնելու ևս մեկ անգամ հայ ժողովրդի դեմ, մարդկության դեմ կատարված հանցագործությունը«,-ասված է հայտարարության մեջ:
