Քիմ Քարդաշյանը որոշել է իսկական մարտահրավեր նետել։ Այս մասին փոխանցում է PeopleTalk-ը: Նախօրեին աստղը Vogue Hong Kong-ին տված հարցազրույցում պատմել է այն մասին, որ կցանկանար հաջող իրավաբանական ընկերություն հիմնել:
«Ես երազում եմ մի օր ստեղծել հաջող իրավաբանական ընկերություն։ Ես ոչ մի բանի վրա այդքան ջանասիրաբար չեմ աշխատել, ինչպես իրավագիտության քննությանը նախապատրաստվելու համար։ Ես պետք է շատ ջանասիրաբար սովորեի և ամեն ազատ րոպես նվիրեի այդ ամենին։ Ես շատ տարված եմ քրեական արդարադատության բարեփոխմամբ և ցանկանում եմ պաշտպանել նրանց, ում, իմ կարծիքով, սխալ են դատապարտել»,- հայտարարել է Քարդաշյանը։
Քարդաշյանի խոսքով՝ ինքը երկար տարիներ ցանկանում է իրավաբան դառնալ։ «Ավելի վաղ, երբ ինձ հարցնում էին, թե ինչով կզբաղվեի շոուում նկարահանումների փոխարեն, ես միշտ ասել եմ, որ քննիչ կամ փաստաբան կլինեի», – ասել է նա:
Ի դեպ, աստղն հենց այնպես չէ ընտրել այս մասնագիտությունը։ «Այս ոլորտում աշխատանքն ինձ ստիպեց ավելի մոտ զգալ իմ հորը։ Այն գիտակցությունը, որ ես օգնում եմ մարդկանց, օրվա վերջում ինձ մեծ հաճույք է պատճառում»։
Նշենք, որ Քիմի հայրը՝ Ռոբերտ Քարդաշյանը, աշխատել է Օ.Ջեյ Սիմփսոնի բարձրակարգ իրավաբանների թիմում, որը հետագայում անվանվել է «Երազանքի թիմ»։