Արցախում ադրբեջանցիներն ու ռուսները միասնական են գործում: Այս մասին «Առաջին լրատվական»-ի հետ զրույցում նշեց «Ազատ քաղաքացի» ՀԿ ղեկավար Հովսեփ Խուրշուդյանը:
Խուրշուդյանի խոսքով՝ ռուս խաղաղապահները կամ անմեղսունակ են, կամ միտումնավոր համագործակցում են Ադրբեջանի հետ․ «Եթե ՌԴ-ն ստանձնել է Արցախի անվտանգությունը՝ ինչու են մեր գյուղերը մեզնից խլում: Եթե Ռուսաստանը չի կարողանում ապահովել Արցախի անվտանգությունը, թող դուրս գան և Արցախ գան միջազգային խաղաղապահներ»:
Խուրշուդյանը գտնում է, որ Հայաստանի համար վճռորոշ պահ է և ժամանակն է,որ ՀՀ իշխանությունները հայտարարեն ՀԱՊԿ-ից դուրս գալու մասին: