«Ուկրաինայում խաղաղության հասնելը դժվար, բայց իրագործելի խնդիր է, և Թուրքիան ջանասիրաբար աշխատում է՝ դրան հասնելու համար». այս մասին երեքշաբթի օրը հայտարարել է Թուրքիայի նախագահի պաշտոնական ներկայացուցիչ Իբրահիմ Կալինը։
Նրա խոսքով՝ Ուկրաինայում առճակատումը բերել է «բավականին մահ, ավերածություններ ու տառապանքներ». «Մենք բոլոր ջանքերը գործադրում ենք՝ այս պատերազմը դադարեցնելու համար, մեր նախաձեռնությունները կշարունակվեն, խաղաղության հասնելը դժվար է, բայց ոչ անհնարին»։ Նա ընդգծել է, որ չպետք է թույլ տալ «նոր սառը պատերազմ». «Հետևանքները սարսափելի կլինեն բոլորի համար»։
Ուկրաինայի արևելքում զինված հակամարտությունը շարունակվում է 2014 թվականից։ Դոնբասի շփման գծում իրավիճակը սրվել էր ս.թ. փետրվարի 17-ին։ Դոնեցկում և Լուգանսկում նրանք հայտնել էին Ուկրաինայի կողմից ինտենսիվ գնդակոծության մասին: