Եգիպտոսի մայրաքաղաք Կահիրեում տեղի ունեցան սպորտային մարմնամարզության աշխարհի գավաթի խաղարկության երրորդ փուլի որակավորման մրցումները : Հայաստանի բոլոր չորս պատվիրակները հաջողությամբ հաղթահարեցին առաջին արգելքը և իրենց համար տեղ ապահովեցին եզրափակիչ ությակում: Նրանք են ՝ Հարություն Մերդինյանը / նժույգթափեր /, Արթուր Դավթյանը /ազատ վարժություններ / , Վահագն Դավթյանն ու Արթուր Ավետիսյանը / երկուսն էլ ՝ օղակներ /: Նշենք, որ Արթուր Դավթյանը ելույթ է ունենալու նաև հենացատկում, որտեղ ընգծված ֆավարիտն է։ Հավանականությունը մեծ է, որ մեր մարմնամարզիկը հաղթողի կոչման համար կպայքարի նաև հենացատ ձևում։ Մարտի սկզբին Դոհայում կայացած մարմնամարզության աշխարհի գավաթի խաղարկությունում Արթուր Դավթյանը հենացակտում առաջին հորիզոնականն էր զբաղեցնել։ Սա մեր հավաքականի երկրորդ ոսկե մեդալն էր այս մրցաշարում։ Օղակների վարժությունում երեկ Վահագն Դավթյանը ևս առաջինն էր վաստակելով 14,700 միավոր, իսկ Արթուր Ավետիսյանը դարձել էր երկրորդ մրցանակակիր 14,500 միավորով: Կարող ենք փաստել, որ հայկական մարմնամարզության պատմության մեջ արդեն իսկ նոր էջ է բացվել։
«Առաջին անգամն է, որ աշխարհի գավաթի խաղարկությունում պետք է միավորներ հավաքեինք, որը մեզ հնարավորություն կտար մասնակցել աշխարհի առաջնությանը: Աշխարհի գավաթի խաղարկությունը շատ հաջող ստացվեց ամբողջ թիմի համար: Արթուր Դավթյանը և Վահագն Դավթյանն արդեն իսկ հավաքել են պահանջված միավորները: Մեր առաջնային խնդիրն աշխարհի առաջնության համար առաջացած խնդիրը լուծելն էր։ Օլիմպիական այս շրջանը լինելու է Արթուր Դավթյանինը: Նա հաջորդ մրցաշարերում ամենալավ արդյունքն է գրանցելու: Դավթյանը հրաշալի է տիրապետում ցատկերին»,- Դոհայում տեղի ունեցած մրցաշարից հետո ասել էր մարմնամարզության Հայաստանի հավաքականի գլխավոր մարզիչ Հակոբ Սերոբյանը։ Հիշեցնենք, որ Դոհայի մրցաշարից առաջ աշխարհի գավաթի խաղարկության ևս մեկ մրցափուլ էր տեղի ունեցել Գերմանիայի Կոտբուս քաղաքում։ Հենացատկերում Դավթյանը վաստակելով 14․ 983 միավոր վստահորեն գրավել էր առաջին տեղը: Գոհացրել էր նաև Վահագն Դավթյանը: Օղակների վրա վարժությունում նա արժանացել էր 14.600 միավորի ու դարձել էր երկրորդ մրցանակակիր: Աշխարհի գավաթի խաղարկությունում ևս առաջին հորիզոնականը զբաղեցնելու դեպքում Դավթյանը կգրանցի էստ էության ֆանտաստիկ հաջողություն։ Արդեն իսկ գրանցված արդյունքներն իր հերթին ավելի քան խոսուն են։ Անցյալ տարի Տոկիոյում տեղի ունեցած ամառային օլիմպիական խաղերում Արթուր Դավթյանը պատմական հաջողության էր հասել նվաճելով բրոնզե մեդալ։ Սա անկախ Հայաստանի պատմության առաջին օլիմպիական մեդալն էր մարմնամարզությունում։ Տոկիոյից հետո Դավթյանի արդյունքները ցույց են տալիս, որ մեր մարզիկը նպատակ է դրել զարգացնել հաջողությունը։
Դավթյանը հատկապես հենացատկ ձևում ուժեղագույններից է աշխարհում և նույն ոգով շարունակելու դեպքում 2024 թվականի Օլիմպիական խաղերում կարող ենք ունենալ անկախ Հայաստանի առաջին ոսկին մարմնամարզությունում։ Հենց սրա մասին էր ակնարկել Հակոբ Սերոբյանը նշելով, որ օլիմպիական այս շրջանը Դավթյանինն է լինելու։ Ինչևէ, 2022 թվականի գլխավոր նպատակն Արթուր Դավթյանի համար աշխարհի առաջնությունից մեդալով վերադառնալն է։
«Եվրոպայի առաջնությունից և օլիմպիական խաղերից մեդալ ունեմ, իսկ աշխարհի առաջնությունից՝ ոչ: Այս տարվա գերնպատակս հենց դա է լինելու: Մեդալի գույնն անգամ այդքան չեմ կարևորում»,- նշել էր Դավթյանը:
