Ոստիկանության Արմավիրի բաժնում տեղեկություններ էին ստացվել, որ Էջմիածին քաղաքի Շահումյան փողոցի 23-ամյա մի բնակիչ 2021 թ. դեկտեմբերին Արմավիրի մարզի Նորապատ, Սարդարապատ, Արաքս և Ամասիա գյուղերի հակակարկտային կայաններից փորձել է գողություն անել, բայց ինչ-ինչ հանգամանքներից ելնելով՝ գործն ավարտին հասցնել չի կարողացել:
Ինչպես տեղեկացրին ՀՀ ոստիկանությունից, իրավապահների բացատրական աշխատանքի արդյունքում մարտի 15–ին կասկածվողը ներկայացել է ոստիկանության Արմավիրի բաժին և տվել խոստովանական բացատրություն։
Ըստ աղբյուրի՝ դեպքերի հանգամանքները քննությամբ պարզվում են:
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
